Na trasie ŭ samaabvieščanaj Łuhanskaj narodnaj respublicy padarvany aŭtamabil ź lidaram miascovych kazakoŭ Paŭłam Dromavym (Pavieł Driomov, byŭ viadomy jak «Bacia), jon zahinuŭ, paviedamiŭ infarmahienctvam pradstaŭnik prakuratury «ŁNR».
«Sapraŭdy, jość infarmacyja, što kamandzir 6-ha asobnaha motastrałkovaha kazackaha pałka narodnaj milicyi ŁNR Pavieł Dromaŭ zahinuŭ, kiroŭca vyžyŭ», — skazaŭ surazmoŭca ahienctva.
U zamachu padazrajucca ŭkrainskija dyviersanty, jakija dziejničajuć u rajonie trasy Pieršamajsk—Stachanaŭ. «Vidavočna, što tam pracavała dyviersijnaja raźviedhrupa, viaducca jaje pošuki», — skazaŭ supracoŭnik prakuratury.
Raniej kiraŭnik infarmacyjnaha centra News-front Kanstancin Knyryk paviedamiŭ, što Pavieł Dromaŭ «jechaŭ na svajo viasielle».
Ataman Pavieł Dromaŭ pierajšoŭ pad kamandavańnie «ŁNR» ŭ krasaviku 2015 hoda.
«Tak, my całkam stali na zabieśpiačeńnie ŁNR… Maim chłopcam ciapier buduć płacić zarobak kala 200 dalaraŭ», — skazaŭ ataman.
