Fota: Anastasija Zotava/Twitter
Palicyja zatrymała na Puškinskaj płoščy ŭ Maskvie bolš za dziasiatak aktyvistaŭ, jakija vyrašyli vyjści tudy z adzinkavymi pikietami paśla admovy haradskich uładaŭ ŭzhadnić šeście apazicyi z nahody Dnia Kanstytucyi Rasii.
Pavodle danych infarmahienctvaŭ, zatrymana kala 20 čałaviek. U ich liku staršynia partyi «Jabłoko» Siarhiej Mitrochin i pravaabaronca Leŭ Panamaroŭ. Zatrymanych advieźli ŭ palicyju. Zaraz na ich składajuć pratakoły ab niepadparadkavańni palicyi.
U svaju čarhu «OVD-Info» paviedamlaje minimum pra 33 zatrymanych.
Fota: @CleanAuthoritie
Astatnich udzielnikaŭ adzinočnych pikietaŭ palicyja adcisnuła da mietro, patłumačyŭšy svaje dziejańni nieabchodnaściu vyzvalić płošču dla mantažu na joj navahodnich upryhožańniaŭ.
Fota: @CleanAuthoritie
Sieryju adzinočnych pikietaŭ na Puškinskaj płoščy raniej anansavała partyja «Jabłoko». Heta stała adkazam na admovu meryi ŭzhadnić praviadzieńnie 12 śniežnia apazicyjnaha «Maršu pieramienaŭ» pa pryčynie «padrychtoŭki horada da Novaha hoda».
Marš płanavałasia prymierkavać da Dnia Kanstytucyi, jaki adznačajecca ŭ Rasii 12 śniežnia. Da 2004 hoda hety dzień byŭ vychodnym, ale ciapier takim nie źjaŭlajecca.
