Zavod Bosch-Siemens pad Pieciarburham 9 śniežania spyniŭ vytvorčaść pralnych mašyn praz adsutnaść kamplektujučych, jakija pavinny byli pastupić z Turcyi.
Pradpryjemstva vykarystoŭvaje vialikuju kolkaść kamplektujučych z Turcyi, z 23 listapada kantejniery z kamplektujučymi stajać na mytni, zapeŭnivajuć surazmoŭcy RBK.
Na pačatku śniežnia zavod spyniŭ vypusk pralnych mašyn, z paniadziełka spynicca zborka chaładzilnikaŭ, kažuć jany.
Vytvorčaść pralnych mašyn na zavodzie Bosch-Siemens pad Pieciarburham. Fota: Šamukov Rusłan / TASS
Staršynia kamiteta pa pramysłovaj palitycy i inavacyjach Sankt-Pieciarburha Maksim Miejksin raspavioŭ ab prablemach, ź jakimi sutyknulisia raźmieščanyja ŭ rehijonie zavody z-za kanfliktu z Turcyjaj.
Prablema ŭ pieciarburhskich zavodaŭ z tureckimi kamplektujučymi pa pryčynie dadatkovych pravierak mytni isnuje, paćvierdziła RBK vykanaŭčy dyrektar pradstaŭnictva Amierykanskaj handlovaj pałaty ŭ Sankt-Pieciarburhu Maryja Čarnabroŭkina. Skantaktavacca z pradstaŭnikom Fiederalnaj mytnaj słužby (FMS) viečaram u piatnicu nie ŭdałosia.
Pry hetym kamplektujučyja dla bytavoj techniki nie ŭvachodziać u pieralik sankcyjnaj pradukcyi z Turcyi, zaćvierdžanaj pastanovaj urada RF.
