Fiederalnaja reziervovaja sistema (FRS) ZŠA, jakaja vykonvaje funkcyi centralnaha banka, učora źmianiła ŭlikovuju staŭku, pavialičyŭšy jaje na čverć punkta da 0,5%.
Heta pieršaje pavyšeńnie staŭki z 2006 hoda.
Pavyšeńnie aznačaje, što staŭki na rynku fiederalnych fondaŭ - heta značyć staŭki, pa jakich banki dajuć adzin adnamu pazyki na sutki, buduć varjiravacca ad 0,25 da 0,5%.
U pieršyja chviliny paśla abviaščeńnia FRS indeks Dou-Džonsa vyras na 0,5%.
Centralny bank taksama źlohku pavysiŭ svoj prahnoz ekanamičnaha rostu ZŠA na 2016 hod z 2,3% da 2,4%.
Z hetaha vynikaje, što bank nie dumaje, što pavyšeńnie ŭlikovaj staŭki admoŭna adabjecca na roście ekanomiki. Kaciroŭki na fondavych rynkach padnialisia paśla hetaha abjavy.
U sieradu, paśla abviaščeńnia ab pavyšeńni ŭlikovaj staŭki ŭ ZŠA i paśla taho, jak urad ZŠA apublikavaŭ dadzienyja ab rekordnych zapasach nafty ŭ krainie, cana na naftu West Texas Intermediate da kanca tarhoŭ ŭpała na 5,1% da 35,5 dalara za baral
Cana na naftu marki Brent upała na 3,4% da 37,18 dalara za baral, tak jak pavyšeńnie ulikovaj staŭki ŭ ZŠA aznačaje nastupnaje pavyšeńnie kursu dalara ŭ adnosinach da inšych valut.
