Ułady Arhienciny abviaścili pra admienu abmiežavańniaŭ na abmien valuty, uviedzienych u 2011 hodzie z metaj padtrymańnia kursu arhiencinskaha piesa.
Pa słovach ministra finansaŭ Alfonsa Prata-Haja, hetaja miera była abiacanaja novym prezidentam krainy Maurysia Makra dla adnaŭleńnia ekanamičnaha rostu.
Raniej arhiencincy mieli prava aficyjna abmieńvać nie bolš za 2 tysiačy dalaraŭ u miesiac i pavinny byli atrymlivać dakumient z ukazańniem, dzie byŭ praviedzieny abmien.
U krainie było dva kursy abmienu: aficyjny (10 piesa za dalar) i abmien na čornym rynku (15 piesa za dalar). Novyja praviły ŭvodziać adziny kurs, jaki stanie bližej da byłoha «čornym» kursie.
Eks-prezident Kryścina Kiršnier uviała abmiežavańni, u pryvatnaści, kab spynić adtok kapitału z krainy i praduchilić ŭchileńnie ad vypłaty padatkaŭ.
Prezident Makra płanavaŭ źniać valutnyja abmiežavańni ź pieršaha ž dnia paśla svajoj inaŭhuracyi, adnak z-za niedachopu reziervaŭ u Centrabanku Arhienciny reforma była adterminavanaja.
