Lidar hurtu DDT Juryj Šaŭčuk praśpiavaŭ ŭ padmaskoŭnych Chimkach dla kiroŭcaŭ vialikahruznych aŭtamabilaŭ, jakija ŭ ciapierašni čas strajkujuć suprać uvodu sistemy źbirańnia płaty za prajezd pa fiederalnych trasach.
Muzykant vykazaŭ salidarnaść z pazicyjaj pratestoŭcaŭ, padaryŭ im svaje dyski i praśpiavaŭ niekalki piesień.
«U fejsbuku chtości ŭžo puściŭ čutku, što ja suprać pratestu dalnabojščykaŭ, viedajcie, što heta nie tak, heta pravakacyja. Ja za dalnabojščykaŭ… Na apošnim kancercie ja abviaściŭ, što adnu ź piesień pryśviačaju vam, i zała słuchała jaje stojačy. Mnohija vas padtrymlivajuć, viedajuć pra vas», — skazaŭ jon dalnabojnikam padčas sustrečy.
Dziasiatki fur zastajucca na podstupach da Maskvy, praciahvajučy stacyjanarny pratest suprać sistemy «Płaton»: z 15 listapada za prajezd pa fiederalnych trasach z 12-tonnych hruzavikoŭ pačali bracca zbory ŭ pamiery 1,53 rasijskich rubla za 1 km, z sakavika 2016 hoda staŭka pavyšajecca da 3,06 rubla, a z 2018 — 3,73 rubloŭ za 1 km.
