Hłuskim rajonnym adździełam Śledčaha kamiteta Respubliki Biełaruś zaviedziena kryminalnaja sprava pa p.p. 1,2, č.2, art. 139 (zabojstva dźviuch asob, u tym liku zaviedama małaletniaha) Kryminalnaha kodeksa Respubliki Biełaruś.

Pa padazreńni ŭ ździajśnieńni asabliva ciažkaha złačynstva zatrymany žychar Babrujska, 1977 h.n, paviedamlaje pres-słužba Śledčaha kamiteta

U chodzie papiaredniaha śledstva ŭstanoŭleny asoby zahinułych. Imi akazalisia 28-hadovaja žycharka h. Babrujska i jaje 7-hadovy syn. Pa papiarednich dadzienych, jakija majucca ŭ rasparadžeńni śledstva, śmierć abodvuch nastupiła ad šmatlikich kołata-rezanych i ahniastrelnych ranieńniaŭ.

Dla vyśviatleńnia ŭsich abstavin zdareńnia śledstvam pryznačanyja roznyja ekśpiertyzy, u tym liku sudova-miedycynskija, u dačynieńni da padazravanaha, a taksama trupaŭ.

U ciapierašni čas śledčymi praciahvajucca dopyty śviedak i svajakoŭ. Matyŭ ździajśnieńnia złačynstva vyśviatlajecca.

Клас
0
Панылы сорам
0
Ха-ха
0
Ого
0
Сумна
0
Абуральна
0