Złučanyja Štaty, Rasija i Šviecyja stali najbujniejšymi eksparciorami zbroi pa vynikach 2014 Pra heta paviedamlaje hazieta The New York Times sa spasyłkaj na novaje daśledavańnie, praviedzienaje ekśpiertami pry kanhresie ZŠA.

Pa ich dadzienych, lideram praciahvaje zastavacca Vašynhton. U 2014 jon ekspartavaŭ ŭzbrajeńniaŭ na sumu ŭ $ 36,2 młrd. Hodam raniej hety pakazčyk znachodziŭsia na ŭzroŭni $ 26,7 młrd. Takim čynam, ZŠA za hod naraścili pastaŭki na $ 9,5 młrd abo na 35,6%.

Abjomy pastavak ŭdałosia naraścić dziakujučy bujnym, šmatmiljardnym kantraktam z Kataram, Saudaŭskaj Aravijaj i Paŭdniovaj Karejaj, piša vydańnie. Takim čynam, Vašynhtonu ŭdałosia ŭ 2014 zaniać bolš za 50% hłabalnaha rynku ŭzbrajeńniaŭ.

Ekspart Rasii, jakaja zajmaje druhoje miesca, pavodle daśledavańnia amierykanskich analitykaŭ, zastaŭsia na raniejšym uzroŭni. U 2014 h. Maskva zarabiła ad prodažu zbroi $ 10,2 młrd (u 2013-m - $ 10,3 młrd).

Na trecim miescy - Šviecyja z $ 5,5 młrd ekspartu, za joj - Francyja ($ 4,4 młrd) i Kitaj ($ 2,2 młrd).

Najbujniejšym pakupnikom zbroi ŭ 2014 staŭ Sieuł - jon zakupiŭ ŭzbrajeńniaŭ na sumu $ 7,8 młrd (ź ich bolš čym na $ 7 młrd zakupak pryjšłosia na ZŠA). Za im staić Irak ($ 7,3 młrd) i Brazilija ($ 6,5 młrd).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?