Ahienty Raśsielhasnahlada źniščyli bolš za 30 ton śviežych šampińjonaŭ. Jany byli ŭviezieny ź Biełarusi, ale rasijskija «nahladniki» miarkujuć, što jany z Polščy. Pra heta havorycca ŭ paviedamleńni rehijanalnaj upravy nahladnaha viedamstva pa Rastoŭskaj vobłaści.

Piečarki byli dastaŭleny ŭ Rasiju dźviuma partyjami.

«U pryčepie na bačnaj častki hruzu sapraŭdy znachodziŭsia adnarazovy płastykavy posud, adnak pry dalejšym nadhladzie ŭnutry pryčepa vyjaŭlenaja pradukcyja — hryby śviežyja (šampińjony), z najaŭnaści etykietki źmiaščaje infarmacyju «piečarki śviežyja, kraina pachodžańnia — Polšča», - pryvodziacca ŭ paviedamleńni padrabiaznaści dastaŭki pieršaj partyi hryboŭ.

Masa pieršaj partyi składała 14,76 ton, druhoj — 16,7 ton.

Druhaja partyja supravadžałasia dekłaracyjaj, zhodna ź jakoj vytvorcam pradukcyi źjaŭlałasia fiermierskaja haspadarka ź Biełarusi «Hrybnaja kraina».

«Dekłaracyja nie zarehistravanaja ŭ sistemie Rasakredytacyi, pratakoł vyprabavańniaŭ adsutničaje. Supracoŭnikami DPS aŭtamabil zatrymany i źmieščany na adkaznaje zachoŭvańnie», — havoryć paviedamleńnie.

Клас
0
Панылы сорам
0
Ха-ха
0
Ого
0
Сумна
0
Абуральна
0