Siły abarony Izraila apublikavali matyvujučy rolik da nastupajučaha Novaha hodu, jaki moh by stać prykładam i dla biełaruskich vajskoŭcaŭ, jakija zajmajucca stvareńniem pazityŭnaha vobrazu armii.

U roliku na anhielskaj, rasiejskaj, niamieckaj i ispanskaj movach žaŭniery abodvuch pałoŭ raspaviadajuć, jak praviali 2015 hod.

«Ja bačyŭ novyja miaściny. Ja płavaŭ pa mory. Spuskaŭsia ź viertalotu. Sustreła novuju najlepšuju siabroŭku. Uratavaŭ žyćcio siabra. A jon — majo», — kažuć hieroi.

«Byli ciažkaści, adnak jany zrabili mianie macniejšym. Ja latała nad usioj krainaj. A ja pierajšoŭ pustyniu. Było ciažka, ale zbolłaha viesieła. Ja dajšoŭ da samaha kraju ziamli. A ja byŭ u samym sercy akijana», — raspaviadajuć vajskoŭcy roznymi hałasami.

«Mnie tolki 19 hadoŭ, i ja skončyła bajavuju padrychtoŭku. Ja navučyŭsia być lidaram kamandy. Ja daviedałasia, što siabroŭstva — samaja važnaja reč. U hety momant ja hanaryŭsia tym, što ja sałdat», — rolik pakazvaje pryhožych maładych ludziej u formie, jakija zajmajucca vajennaj spravaj, raźvivajucca fizična i razumova, a nie prosta vyžyvajuć u kazarmach.

«Dyk što ja rabiła ŭ 2015 hodzie?.. Ja zakachaŭsia… Ach, heta było cudoŭna!» — finalnyja słovy za kadram.

Asnoŭnaj aŭdytoryjaj rolika, vidavočna, pavinna być žydoŭskaja pa pachodžańni moładź z roznych krain śvietu, jakaja mahła b zacikavicca i pasłužyć u izrailskaj armii. Taksama rolik tranśluje pazityŭny vobraz pryzyvu dla ŭłasna izrailskich maładzionaŭ i ahułam Sił abarony Izraila — dla mižnarodnaj aŭdytoryi.

Adnak, viadoma, dobry vobraz izrailskaj pryzyŭnoj armii stvarajecca nie tolki i nie stolki rolikami, a realnaj reputacyjaj Izraila jak krainy, jakaja turbujecca pra kožnaha svajho žaŭniera i stvaryła vielmi efiektyŭnuju zbrojnuju siłu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?