Alaksandr Łukašenka prysudziŭ premii «Za duchoŭnaje adradžeńnie» i śpiecyjalnyja premii dziejačam kultury i mastactva 2015 hoda. Adpaviednyja ŭkazy kiraŭnik dziaržavy padpisaŭ 30 śniežnia.

Rašeńniem kiraŭnika dziaržavy pa vynikach 2015 hoda prysudžany 5 premij prezidenta Respubliki Biełaruś «Za duchoŭnaje adradžeńnie». Imi adznačany aŭtarskija i pracoŭnyja kalektyvy za aktyŭnuju dziejnaść u humanitarnaj śfiery.

Siarod łaŭreataŭ hetaj vysokaj uznaharody aŭtarski kalektyŭ u składzie pazaštatnaha supracoŭnika hałoŭnaj dyrekcyi mižnarodnaha viaščańnia Biełaruskaha radyjo Aleny Charaševič i prafiesara kafiedry kryminalna-vykanaŭčaha prava Akademii Ministerstva ŭnutranych spraŭ Anatola Šarkova. Ich namahańniami stvorana kniha-rekvijem «Žyć i pomnić», u jakoj abahulnieny vyniki raboty pa vyznačeńni i vyvučeńni miesc pachavańnia biełarusaŭ - abaroncaŭ Ajčyny ŭ roznych kutkach Jeŭropy.

Premijaj adznačany jepiskap Barysaŭski i Marjinahorski Vieńjamin, jaki ŭnios važki ŭkład u duchoŭnaje adradžeńnie Biełarusi, aśvietnuju i dabračynnuju dziejnaść.

Łaŭreatam premii staŭ kalektyŭ Respublikanskaha navukova-praktyčnaha centra «Maci i dzicia», jaki dasiahnuŭ značnych pośpiechaŭ u realizacyi mierapryjemstvaŭ pa zachavańni žyćcia i zdaroŭja maci i dziaciej.

Uznaharody ŭdastojeny taksama kalektyŭ Nacyjanalnaha mastackaha muzieja, jaki paśpiachova realizavaŭ bujnamaštabnyja vystavačnyja prajekty, nakiravanyja na ŭmacavańnie duchoŭnych kaštoŭnaściej u sučasnym hramadstvie.

U liku łaŭreataŭ premii i nastajaciel relihijnaj abščyny «Parafija Śviatoj Trojcy ŭ vioscy Rosica Vierchniadźvinskaha rajona miascovaha relihijnaha abjadnańnia «Viciebskaja dyjacezija Rymska-katalickaha kaścioła ŭ Biełarusi» Časłaŭ Kurečka, čyj važki ŭkład u zachavańnie mižkanfiesijnaha miru i nacyjanalnaj zhody, a taksama aktyŭny ŭdzieł u duchoŭna-aśvietnaj dziejnaści krainy i prapahandzie zdarovaha ładu žyćcia zasłužyli šyrokaje pryznańnie ŭ hramadstvie.

Pa vynikach 2015 hoda prysudžany taksama 10 śpiecyjalnych premij Prezidenta Respubliki Biełaruś.

Imi adznačany dziejačy kultury i mastactva, navuki, piedahohi, aŭtarskija kalektyvy, ustanovy kultury za značnyja dasiahnieńni ŭ halinie vyjaŭlenčaha i teatralnaha mastactva, amatarskaj tvorčaści, muziejnaj spravy, vychavańnia moładzi.

Premija prysudžana aŭtarskamu kalektyvu hałoŭnaj dyrekcyi «Ahienctva televizijnych navin» Biełteleradyjokampanii ŭ składzie karespandenta śpiecyjalnaha adździeła navin kultury Natalli Bardziłoŭskaj, hałoŭnaha režysiora Aleha Daŭhapołava i zahadčyka adździeła navin kultury Michaiła Ravuckaha za stvareńnie historyka-dakumientalnaha sieryjała «Jany śpiavali za Radzimu» i inšyja prajekty, nakiravanyja na patryjatyčnaje vychavańnie moładzi.

Aŭtarski kalektyŭ u składzie hałoŭnaha navukovaha supracoŭnika łabaratoryi nieliniejnaj optyki Instytuta fiziki imia B.I. Ściapanava Nacyjanalnaj akademii navuk Biełarusi Paŭła Apanasieviča, pieršaha namieśnika hienieralnaha dyrektara TAA «Mahija śviatła» Siarhieja Hinaka, staršyni savieta dyrektaraŭ ZAT «Hałahrafičnaja industryja» Leanida Tanina ŭznaharodžvajecca premijaj za značny ŭkład u zachavańnie nacyjanalnych kulturnych tradycyj i stvareńnie vizualnych vobrazaŭ pravasłaŭnych śviatyń z dapamohaj hałahrafičnych technałohij.

Uznaharody ŭdastojeny aŭtarski kalektyŭ Nacyjanalnaha akademičnaha Vialikaha teatra opiery i baleta ŭ składzie hałoŭnaha mastaka Alaksandra Kaściučenki i hałoŭnaha režysiora Michaiła Pandžavidze za značnyja dasiahnieńni ŭ raźvićci sučasnaha opiernaha mastactva i pastanoŭku śpiektakla «Carskaja niaviesta».

Siarod uznaharodžanych taksama vykładčyk kafiedry manumientalna-dekaratyŭnaha mastactva Biełaruskaj dziaržaŭnaj akademii mastactvaŭ Anton Bielski, jaki vykanaŭ rośpis u chramie Iaana Pradciečy Śviata-Uźniasienskaha žanočaha manastyra ŭ haradskim pasiołku Barkałabava Bychaŭskaha rajona.

Premii ŭdastojeny kalektyŭ Nacyjanalnaha akademičnaha dramatyčnaha teatra imia M.Horkaha, jaki ŭnios značny ŭkład u zachavańnie nacyjanalnych kulturnych tradycyj i stvaryŭ na vysokim mastackim uzroŭni śpiektakl «Piaśniar», pryśviečany tvorčaj dziejnaści Uładzimira Mulavina.

Uznaharodaj adznačany kalektyŭ Biełaruskaha dziaržaŭnaha maładziožnaha teatra, jaki dasiahnuŭ vysokich tvorčych pośpiechaŭ i ŭnios važki ŭkład u raźvićcio i papularyzacyju teatralnaha mastactva. Łaŭreatam premii staŭ kalektyŭ Biełaruskaha dziaržaŭnaha muzieja historyi Vialikaj Ajčynnaj vajny za značny ŭkład u raźvićcio muziejnaj spravy i patryjatyčnaje vychavańnie nasielnictva.

U liku ŭznaharodžanych staršy vykładčyk kafiedry skulptury Biełaruskaj dziaržaŭnaj akademii mastactvaŭ Kanstancin Kaściučenka, jaki stvaryŭ manumient «Brama pamiaci» miemaryjalnaha kompleksu «Traścianiec» i inšyja tvory manumientalnaha mastactva, a taksama člen hramadskaha abjadnańnia «Biełaruski sajuz mastakoŭ» Anatol Kuźniacoŭ, udastojeny hetaj uznaharody za šmathadovuju tvorčuju dziejnaść i stvareńnie vysokamastackich tvoraŭ žyvapisu.

Premija prysudžana i ŭzornamu ansamblu «Anoškaŭskija muzykanty» Anoškaŭskaj dziciačaj škoły mastactvaŭ Niaśvižskaha rajona za metanakiravanuju rabotu pa zachavańni nacyjanalnych mastackich tradycyj i aktyŭnuju kancertnuju dziejnaść.

Pryniaćcie ŭkazaŭ ab prysudžeńni premij źjaŭlajecca jarkim śviedčańniem pastajannaj uvahi dziaržavy da pytańniaŭ farmiravańnia ŭ biełaruskim hramadstvie zdarovaj duchoŭnaj atmaśfiery, raźvićcia biełaruskaj kultury i mastactva.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?