Rasijski ŭrad zabaraniŭ pracavać u Rasii budaŭničym i turystyčnym kampanijam, padkantrolnym hramadzianam Turcyi.

Urad Rasii zaćvierdziŭ pieralik asobnych vidaŭ rabot, zabaronienych z 1 studzieni 2016 h. da vykanańnia arhanizacyjami, jakija znachodziacca pad jurysdykcyjaj Turcyi, a taksama arhanizacyjami, kantralavanymi hramadzianami Turcyi i (abo) arhanizacyjami, jakija znachodziacca pad jurysdykcyjaj Turcyi.

Jak paviedamili ŭ pres-słužbie Kabinieta ministraŭ Rasii, u hety pieralik uvajšli budaŭnictva budynkaŭ, inžyniernych zbudavańniaŭ i budaŭničyja śpiecyjalizavanyja pracy; dziejnaść u halinie architektury i inžynierna-techničnaha prajektavańnia, techničnych vyprabavańniaŭ, daśledavańniaŭ i analizu; dziejnaść turystyčnych ahienctvaŭ i inšych arhanizacyj, jakija nadajuć pasłuhi ŭ śfiery turyzmu; dziejnaść hatelaŭ i inšych miescaŭ dla časovaha pražyvańnia; vykanańnie rabot, akazańnie pasłuh dla zabieśpiačeńnia dziaržaŭnych i municypalnych patreb; apracoŭka draŭniny.

«Pieralik nie ŭžyvajecca da kantraktaŭ, zaklučanych da dnia ŭstupleńnia ŭ siłu pastanovy ab zaćviardžeńni pieraliku, na termin dziejańnia takich kantraktaŭ», — padkreślili ŭ Kabiniecie ministraŭ. U pres-słužbie dadali, što dakumient byŭ uniesieny va ŭrad ŭ metach vykanańnia ŭkaza prezidenta Rasii ad 28 listapada 2015 «Ab mierach pa zabieśpiačeńni nacyjanalnaj biaśpieki RF i abaronie hramadzian RF ad złačynnych i inšych supraćpraŭnych dziejańniaŭ i ab prymianieńni śpiecyjalnych ekanamičnych mier u dačynieńni Tureckaj Respubliki». Pastanova ŭrada zahadvaje niekatorym ministerstvam zabiaśpiečyć manitorynh vykanańnia prezidenckaha ŭkaza. Centrabanku taksama rekamiendavana padklučycca da hetaj pracy.

Zhodna z ukazam Pucina, pad sankcyi Rasii ŭ vyhladzie zabarony na vykanańnie rabot na terytoryi Rasii padpadajuć nie tolki sami tureckija kampanii, ale i firmy, kantralavanyja hramadzianami Turcyi.

Adnačasova z hetym Pucin daručyŭ vyznačyć pieralik kantraktaŭ, na jakija nie raspaŭsiudžvajucca hetyja sankcyi. Havorka idzie jak ab kantraktach ź niepasredna tureckimi kampanijami, tak i ź firmami, kantralavanymi hramadzianami Turcyi.

24 śniežnia premjer-ministr Dźmitryj Miadźviedzieŭ zaćvierdziŭ pieralik z 53 pracadaŭcaŭ i zakazčykaŭ rabot, na jakich nie raspaŭsiudžvajecca zabarona na pryciahnieńnie z 1 studzienia 2016 hramadzian Turcyi dla pracoŭnaj dziejnaści. Hetyja kampanii i arhanizacyi pracujuć u halinie budaŭnictva, aŭtamabilebudavańnia, vytvorčaści budaŭničych materyjałaŭ, palimiernych trub i fitynhaŭ, santechničnaha abstalavańnia, pakryćciaŭ na padłohu.

Jak paviedamlajuć rasijskija ŚMI, ukaz vyklikaŭ paniku na turystyčnym rynku. Kampanii nie viedajuć, jak vykanać abaviazacielstvy pa ŭžo vykuplenych turach.

Клас
0
Панылы сорам
0
Ха-ха
0
Ого
0
Сумна
0
Абуральна
0