Miesiac tamu BAES prezientavała novuju schiemu Minskaha mietrapalitena, jakaja vyklikała supiarečlivuju reakcyju karystalnikaŭ. Siońnia dyzajnier Alaksandr Čabataroŭ apublikavaŭ u svaim błohu ŭłasnuju schiemu mietro.

Hałoŭnaja ideja jaho pracy — adzinaje vizualnaje afarmleńnie haradskoj navihacyi. Što ž prapanuje Alaksandr?

Uvachod u mietro

«Usie hetyja bałharskija «niepieksodžy» nieabchodna zamianić na tradycyjnuju pravilnuju kirylicu. najlepš adrazu pa-biełarusku», — piša Alaksandr.

Viestybiulnaja schiema

«Adnaznačna, na schiemie nieabchodna vykarystoŭvać «piańki». U pasažyraŭ pavinna być dakładnaje i chutkaje padśviadomaje adroźnieńnie pamiž padobnymi elemientami. Zvyčajnaja stancyja — pianiok, pierasadačnaja — kružok (ci jašče što-niebudź).

Pianiok — heta pierśpiektyŭnaje rašeńnie, jon sapraŭdy pakazvaje na tekstavuju infarmacyju, jakaja naležyć hetaj stancyi. Kruh ža, naadvarot, moža lohka stvaryć nierazumieńnie pasažyra ab tym, jakaja nazva stancyi adnosicca da dadzienaha markiera miascovaści. Šmatlikaja kolkaść traktavańniaŭ u luboj navihacyjnaj adzincy sensu nieabchodna skaračać da minimumu».

Taksama Alaksandr prapanuje ŭvieści «ŭsim viadomy i zvykły markier hieałakacyi «vy tut»».

Viertykalny varyjant z praviłami karystańnia

Viertykalny varyjant z praviłami karystańnia

Alaksandr nie abyšoŭ uvahaj i prajaznyja dakumienty, prapanavaŭšy dyzajn limitavanaj sieryi elektronnych mietrakartak: «Ź ich možna skłaści schiemu. Drobiaź, a pryjemna».

Schiemy na płatformach

Na dumku dyzajniera, dla kožnaj płatformy sistema mietraschiem pavinna raspracoŭvacca indyvidualna. «Usiudy roznyja koraby, łajtboksy, ścieny, architektura i prastora. Dzieści možna vykarystoŭvać viestybiulnuju, a dzieści liniejnyja schiemy. Da hetaha ŭsiaho nieabchodna ŭličvać aśviatleńnie płatformy. Tamu byli raspracavanyja varyjanty na ciomnym i śvietłym fonach», — piša jon.

«Užo daŭno ŭsim viadoma, što ludzi chutčej čytajuć słovy, napisanyja ź vialikaj litary, paśla jakoj usie małyja. Takim čynam, čałaviek imhnienna adhadvaje słova pa formie, a nie čytaje jaho całkam pa litarach», — śćviardžaje Alaksandr.

Vahonnaja schiema

«U vahonie znachodzicca sproščanaja schiema dla chutkaha aryjentavańnia», — praciahvaje dyzajnier.

Praviły karystańnia zaviorstanyja ŭ try pałasy dla zručnaści čytańnia. Infarmacyja karotkimi radkami praściej usprymajecca i lohka sčytvajecca.

Praviły karystańnia zaviorstanyja ŭ try pałasy dla zručnaści čytańnia. Infarmacyja karotkimi radkami praściej usprymajecca i lohka sčytvajecca.

Nad dźviaryma — dublujučyja liniejnyja schiemy:

Jašče adna prapanova Alaksandra — dyjodnyja schiemy: «Amatary mietro robiać videa zaharańnia lampačak u instahramy! Radaść i ŭśmieški na tvarach pasažyraŭ u zimovy ranišni paniadziełak», — piša jon.

Nu i jašče krychu dobraha nastroju pry vychadzie:

Ci padabajecca vam varyjant Alaksandra? Vykazvajciesia ŭ kamientarach!

Клас
0
Панылы сорам
0
Ха-ха
0
Ого
0
Сумна
0
Абуральна
0