Telegraf

Telegraf

Žychary niamieckaha Kiolna jak minimum dvojčy za minułuju niadzielu napadali na mihrantaŭ z Azii. Paciarpieli try čałavieki, dvaich na karotki čas navat špitalizavali. Pavodle infarmacyi miascovaj haziety Express, «palavańnie na ludziej» arhanizavali miascovyja niefarmały, jakija sabralisia z dapamohaj sacyjalnych sietak.

Tym časam palicyja abviaściła, što kolkaść paciarpiełych žančyn u navahodniuju noč u Kiolnie vyrasła da 516. 40% złačynstvaŭ źviazanyja z seksualnymi damahańniami.

Užo aryštavana 30 čałaviek, 18 ź jakich mieli status kandydataŭ na atrymańnie prytułku, što jašče bolš niehatyŭna adbiłasia na staŭleńni haradžan da mihrantaŭ. Masła ŭ ahoń padlivajuć i ŭsio novyja źviestki pra seksualnyja napady. Jany adbylisia ŭ Lejpcyhu, Hamburhu, Štutharcie, Frankfurcie-na-Majnie, Bilefieldzie.

Vice-kancler Hiermanii Zihmar Habryel zajaviŭ, što ŭrad krainy źbirajecca abmiežavać prava mihrantaŭ vybirać miesca žycharstva.

«Ja dumaju, my musim uvieści abmiežavańni ŭ pravie na vybar miesca žycharstva dla mihrantaŭ. U advarotnym vypadku ŭsie hetyja ludzi, u tym liku i tyja, chto atrymaŭ status biežanca, nakirujucca ŭ vialikija harady. Heta pryviadzie da dalejšych ciažkaściaŭ, i my atrymajem sapraŭdnyja prablemy hieta», — vykazaŭ zaniepakojenaść palityk.

Jašče raniej kancler FRH Anhieła Mierkiel prapanavała ablehčyć praceduru departacyi mihrantaŭ, jakija ździejśnili złačynstva.

«Kali ździajśniajucca złačynstvy i ludzi staviać siabie pa-za zakonam, heta pavinna pryvodzić da nastupstvaŭ», — zajaviła Mierkiel žurnalistam paśla sustrečy z kiraŭnictvam svajoj partyi.

Jak miarkujecca, hetyja miery musiać spynić chvalu hvałtu z boku mihrantaŭ. Što stała pryčynaj napadaŭ vychadcaŭ ź Bližniaha Uschodu na žančyn, śledstva vyśviatlaje dahetul.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?