Siońnia, u dzień Dabravieščańnia Praśviatoj Baharodzicy, ŭ Maskvie adyšoŭ da Hospada znakamity biełarus - prafiesar-protapraśvitar Vitalij Baravoj.

Ajciec Vitalij naradziŭsia ŭ 1916 u v. Nieścieraŭka Barysaŭskaha pavietu Minskaj huberni (ciapier Dokšycki rajon Viciebskaj vobł.) u biednaj sialanskaj siamji.

Skončyŭ Vilenskuju duchoŭnuju seminaryju, a potym pravasłaŭny Bahasłoŭski fakultet Varšaŭskaha ŭniversytetu.

U 1944 hodzie byŭ rukapakładzieny u śviatara. Prymaŭ udzieł u adradžeńni Minskaj duchoŭnaj seminaryi ŭ Žyrovičach, byŭ jaje inspektaram. Potym staŭ prafiesaram pa kafiedry carkoŭnaj historyi ŭ Leninhradskaj duchoŭnaj akademii.

Z kanca 50-ch hadoŭ byŭ nakiravany na pracu u Adździeł źniešnich carkoŭnych adnosin. Šmat hadoŭ byŭ pradstaŭnikom RPC u Suśvietnym saviecie cerkvaŭ. Byŭ taksama pradstaŭnikom pravasłaŭnaj carkvy na II Vatykanskim sabory.

U 1973-78 hh. a. Vitalij – lubimy prychažanami nastajaciel patryjaršaha saboru ŭ Maskvie, ale chutka znoŭ byŭ adasłany faktyčna u vysyłku ŭ Ženevu, u SSC.

Ajciec Vitalij byŭ niepieraŭzydzionym u svoj čas bahasłovam, bliskučym praviednikam, vydatnym vykładčykam, jakomu šmat čym abaviazany viadomyja zaraz bahasłovy i hierarchi. Jon zaŭsiody vystupaŭ za abnaŭleńnie carkoŭnaha žyćcia, kab Carkva była «mocnaj nie ŭładaj, a vieraj i Božaj łaskaj». Jon zaŭsiody imknuŭsia da praŭdy, nie chavaŭsia ad balučych prablemaŭ Carkvy i vystupaŭ za toje, kab jany svabodna abmiarkoŭvalisia i vyrašalisia. Ajciec Vitalij zaŭsiody padtrymlivaŭ tych, chto nios ŭ Carkvu niešta novaje i śviežaje, što davała nadzieju na sapraŭdnaje adradžeńnie Carkvy. Davoli časta jamu prychodziłasia takich ludziej svaim aŭtarytetam abaraniać ad cisku i hanieńniaŭ zboku aficyjalnaj carkoŭnaj ułady.

Ajciec Vital nikoli nie zabyvaŭ pra svaje biełaruskija karani, ščyra spačuvaŭ biełaruskamu nacyjanalnamu adradžeńniu i vielmi radavaŭsia lubym kantaktam ź ziemlakami. «Žyvie Biełaruś!» – z hetaha zaŭsiody pačynałasia ŭ takich vypadkach jahonaja razmova.

Heta byŭ sapraŭdny praviednik i śviedka Chrysta.

Viečnaja jamu pamiać!

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?