U Ministerstva infarmacyi 1 lutaha pieradadzieny zvarot, padpisany 182 žurnalistami, z patrabavańniem vykazać svaju pazicyju ŭ suviazi sa źbićciom amapaŭcami karespandenta tut.by Paŭła Dabravolskaha.

Ministr Lilija Ananič i jaje namieśnik Siarhiej Chilman, paviedamlaje sajt hramadskaha abjadnańnia «Biełaruskaja asacyjacyja žurnalistaŭ» (BAŽ), admovilisia pryniać zvarot asabista i adpravili žurnalistaŭ rehistravać dakumient.

Aŭtary zvarotu prosiać ministerstva vykazacca nakont niedapuščalnaści pieraškody prafiesijnaj dziejnaści žurnalistaŭ, realizacyi prava hramadzian na atrymańnie poŭnaj, dakładnaj i svoječasovaj infarmacyi, i davieści svaju pazicyju da MUS i jaho strukturnych padraździaleńniaŭ.

U zvarocie žurnalisty źviartajuć uvahu na vidavočnaje parušeńnie zakanadaŭstva z boku supracoŭnikaŭ milicyi i prosiać ułady adreahavać na situacyju.

Zvarot taksama pieradadzieny hienieralnamu prakuroru Alaksandru Kaniuku. Žurnalisty zaklikajuć jaho ŭziać na kantrol paŭnatu i abjektyŭnaść praviadzieńnia pravierki pa zajavie Dabravolskaha nakont pryciahnieńnia supracoŭnikaŭ orhanaŭ unutranych spraŭ da praduhledžanaj zakonam adkaznaści.

Kalehi źbitaha žurnalista nakiravali niekalki dziasiatkaŭ takich zvarotaŭ u MUS, HUUS Minharvykankama i Viarchoŭny sud. U hetych zvarotach, jakija adpraŭlalisia jak u elektronnym, tak i ŭ piśmovym vyhladzie, žurnalisty prosiać dziaržorhany ŭstanavić asoby vinavatych u napadzie supracoŭnikaŭ milicyi i pryciahnuć ich da adkaznaści.

Dabravolski i hramadskija aktyvisty Maksim Šycik i Pavieł Siarhiej byli źbityja 25 studzienia ŭ budynku suda Frunzienskaha rajona Minska padčas słuchańniaŭ pa «spravie hraficistaŭ». 

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?