Reuters.com

Reuters.com

Prezident Piatro Parašenka daručyŭ ŭvieści ŭ Adesu dadatkovyja padraździaleńni nachvardyi i palicyi, paviedamiŭ u svaim Facebook hubiernatar Adeskaj vobłaści Michaił Saakašvili. «Prezident daručyŭ kiraŭniku Nacyjanalnaj palicyi i načalniku Nacyjanalnaj hvardyi ŭvieści ŭ Adesu dadatkovyja padraździaleńni da 1000 čałaviek dla abarony hramadskaha paradku ŭ horadzie», — napisaŭ jon.

Raniej Saakašvili apublikavaŭ u Facebook zvarot, u jakim paprasiŭ prezidenta ŭvieści ŭ Adesu nacyjanalnuju hvardyju i dadatkovyja padraździaleńni nacyjanalnaj palicyi. «Chaču napiaredadni sumnaj hadaviny 2 maja i na fonie taho, što vorahi Ukrainy vidavočna rychtujucca ŭ Adesie i Adeskaj vobłaści, zapatrabavać ad prezidenta dapamahčy nam navieści paradak», — zajaviŭ Saakašvili.

Svoj zvarot Saakašvili patłumačyŭ padziejami apošnich sutak u Adesie. U noč na 26 krasavika, pa śćviardžeńniach hubiernatara, «cituški» nibyta z sankcyi haradskoj meryi razahnali i źbili pratestujučych suprać kiraŭnika horada Hienadzia Truchanava, a napiaredadni ŭ horadzie z hranatamiota było abstralana adździaleńnie banka «Paŭdzionny».

Haradskija ŭłady ŭ svaju čarhu abvinavacili ŭ padziejach u Adesie kamandu hubiernatara. Vydańnie «Dumskaja» paviedamiła, što daradca mera Aleh Bryndak zajaviŭ, što «va-bank pajšli siły, jakimi «lalkavodziać» z abłasnoj administracyi». «Usio heta - źviony adnaho łancuha, nakiravanyja na destabilizacyju situacyi ŭ horadzie napiaredadni 2 maja, kali jany chočuć ździejśnić pieravarot i zachapić uładu ŭ Adesie», — skazaŭ jon.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?