Supracoŭnikami adździaleńnia pa narkakantroli i supraćdziejańni handlu ludźmi Partyzanskaha RUUS Minska pry siłavoj padtrymcy śpiecpadraździaleńnia MUS «Ałmaz» zatrymany 49-hadovy doktar-reanimatołah, jaki zajmaŭsia raspaŭsiudžvańniem psichatropnych rečyvaŭ.

Jak paviedamili ŭ Partyzanskim RUUS stalicy, padazravany arhanizavaŭ kanał pastaŭki miedycynskich preparataŭ, zabaronienych dla prodažu biez receptu, z Polščy ŭ Biełaruś. Mužčyna pieravoziŭ miedykamienty na svaim ułasnym aŭtamabili, nie majučy na ich dakumientaŭ. Padčas zatrymańnia ŭ jaho było kanfiskavana 4400 tabletak i 625 ampuł niebiaśpiečnaha psichatropnaha rečyva «Dyjaziepam», 90 tabletak i 115 ampuł niebiaśpiečnaha psichatropnaha rečyva «Tramadoł». Padazravanaha zatrymali na ŭjeździe ŭ Minsk paśla pajezdki ŭ Polšču.

Mužčyna z 1994 hoda pracavaŭ na pasadzie doktara-reanimatołaha ŭ adnoj sa staličnych balnic. Raniej sudzimy nie byŭ.

«U dačynieńni da jaho raspačataja kryminalnaja sprava pa artykule 328 KK (niezakonny abarot narkatyčnych srodkaŭ, psichatropnych rečyvaŭ i prekursoraŭ), — raspaviała namieśnik načalnika Partyzanskaha RUUS padpałkoŭnik milicyi Natalla Kalada. — Jamu pahražaje termin pazbaŭleńnia voli da 15 hadoŭ z kanfiskacyjaj majomaści abo biez kanfiskacyi majomaści».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?