Hienieralnaja dyrektarka ahienctva «Minsk-Naviny» Kaciaryna Dubinskaja paprysutničała na schodzie minskich delehataŭ Usiebiełaruskaha narodnaha schodu. Asabliva jaje natchniŭ vystup protaijereja Fiodara Poŭnaha:

«Asobnych razvažańniaŭ zasłuhoŭvaje fiłasofski, pa sutnaści, vystup protaijereja Fiodara Poŭnaha, nastajaciela Usichśviackaha prychodu našaj stalicy. Jon zaklikaŭ azirnucca ŭ minułaje i ćviaroza acanić sučasnaść. Jak nie pahadzicca ź jaho vysnovaj ab tym, što za hetyja hady my pabudavali faktyčna novuju pryhožuju i paśpiachovuju krainu? My ž sapraŭdy pryjšli da ŭzroŭniu, kali siaredni pa mahčymaści biełarus žyvie hetak ža dobra, jak hadoŭ 30 tamu moh sabie dazvolić tolki vysokapastaŭleny čynoŭnik. U jaho jość asabisty aŭtamabil, dobry meblevy harnitur, modnaja vopratka, lecišča, jon jeździć na mora… Kali zazirnuć jašče krychu dalej, to ŭsiaho bolš za paŭstahodździ tamu stalica nie była hazifikavanaja, ludzi čynili prymus, tulilisia ŭ kamunałkach, ale nie narakali, bo zzadu byli horšyja časy. Jak nie pahadzicca z ajcom Fiodaram u tym, što my, asabliva za apošnija hadoŭ dziesiać, pryvykli da kamfortu i spakojnaha žyćcia — biez nacyjanalnych i mižkanfiesijnych napružańniaŭ. A voś jakaja sprava: spakusu dabrabytam prajści našmat składaniej, čym spakusu niadolaj i ciažkaściami. Bo ŭ kamforcie, materyjalnym dabrabycie zabyvaješ pra hałoŭnaje — ułasnuju duchoŭnuju daskanałaść… Prahučałyja iściny apynulisia, jak paźniej vyśvietliłasia, suhučnyja nastrojam vielmi mnohich minčukoŭ — delehataŭ piataha Usiebiełaruskaha narodnaha schodu. Naprykład, u tym, što kryzis patrabuje bolš ułasnaj inicyjatyvy, žadańnia ruchacca napierad, ciarpieńnia, miłasernaści i duchoŭnaj stojkaści. Kab zachavać svaju identyčnaść i nie pajści na dno ŭ bury suśvietnych vichuraŭ. Žadańnie źbiehčy z «karabla» tudy, dzie miakčej dy saładziej, aznačaje paprostu maładušnaść».

Клас
0
Панылы сорам
0
Ха-ха
0
Ого
0
Сумна
0
Абуральна
0