Były palitviazień ličyć, što ŭsie sučasnyja palityčnyja siły dyskredytavali siabie, i choča stvaryć prafsajuz, jaki «pa-sapraŭdnamu moh by baranić pravy indyvidualnych pradprymalnikaŭ».

Mikałaj Aŭtuchovič paćvierdziŭ Svabodzie, što pakinuŭ pracu ŭ vaŭkavyskaj firmie taksi, jakuju niekali sam i stvaryŭ.

Jon patłumačyŭ: šmatlikija pravierki i represii, jakija apošnim časam navalilisia na firmu, źviazanyja ź jaho proźviščam. Tamu i syšoŭ.

Ciapier Mikałaj Aŭtuchovič bolšaść času znachodzicca ŭ Miensku i zajmajecca stvareńniem ahulnabiełaruskaha prafsajuzu indyvidualnych pradprymalnikaŭ «Salidarnaść»:

«Nam treba nabrać 500 zasnavalnikaŭ. Ciapier ja zajmajusia arhanizacyjnaj pracaj. Praces niaprosty, bo mnohija bajacca ŭstupać: maŭlaŭ, kali vy nabieracie patrebnuju kolkaść, tady i ja dałučusia».

I ŭsio ž Aŭtuchovič pierakanany, što nieabchodnaja kolkaść zasnavalnikaŭ znojdziecca. Pavodle Aŭtuchoviča, ciapier u Biełarusi niama prafsajuzu, jaki b pa-sapraŭdnamu baraniŭ pravy indyvidualnych pradprymalnikaŭ, a takaja padtrymka patrebnaja siońnia, jak nikoli raniej:

«Ciapier pradprymalniki čakajuć 1 lipienia, bo na rynkach pavinny pačacca pravierki i pačnuć adbirać tavar. Ludzi ŭ padviešanym stanie, i nia viedajuć čaho čakać. Jany naahuł bajacca, što ŭ ich mohuć zabrać i toje, što jość. Tamu paralelna sa stvareńniem prafsajuzu my źbirajem podpisy za admienu ŭkazu № 222».

Pakul, pavodle Aŭtuchoviča, usia ich sprava trymajecca na entuzijaźmie, ale inakš stvaryć prafsajuz nie atrymajecca.

U traŭni Mikałaj Aŭtuchovič byŭ abrany vykanaŭcam abaviazkaŭ staršyni ruchu salidarnaści «Razam».

Cikaŭlusia, ci praciahvaje jon pracavać i ŭ hetaj struktury?

«Ja pierš nie pahadžaŭsia ŭznačalvać hety ruch, i pahadziŭsia tolki na časovaje kiravańnie tolki da čarhovaha źjezdu. Jany ŭžo abrali sustaršyń, i ja, pa-sutnaści, užo nia maju nijakaha dačynieńnia da hetaha ruchu. Ja i tady i ciapier kažu, što nie chaču być siabram nijakaj palityčnaj partyi ci ruchu, jakija byli stvorany dahetul, bo viedaju, što ŭsie jany dyskredytavali siabie pierad ludźmi. I tamu ja nie chaču tracić svoj aŭtarytet, ja chaču rabić novuju hodnuju spravu — voś i robim prafsajuz».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?