Raniej zapłanavanaja na 28 červienia hienieralnaja treniroŭka parada vojskaŭ Minskaha harnizona pieranosicca na 29 červienia. Takaja infarmacyja raźmieščana na sajcie dziaržaŭnaha pradpryjemstva «Minsktrans».

U čas pieramiaščeńnia techniki miechanizavanaj kałony praz terytoryju horada buduć uviedzieny časovyja abmiežavańni ruchu ŭsich vidaŭ transpartu.

Jak adznačyli ŭ pres-słužbie DAI HUUS Minharvykankama, ruch zakryjuć u 17.00 pa vuł.Zasnavalnikaŭ i vuł.Starynaŭskaj u suviazi z repietycyjaj parada z nahody Dnia Niezaležnaści. Miechanizavanaja kałona pačnie ruch u 18.00. U suviazi z hetym paetapna budzie zakryvacca ruch pa maršrucie: vuł.Starynaŭskaja - padjom pa sustrečnaj pałasie - prasp.Niezaležnaści - vuł.Surhanava - vuł.M.Bahdanoviča - prasp.Mašerava. Ruch budzie adnaŭlacca pa miery prachodžańnia kałony.

Nazad kałona adpravicca pa prasp.Mašerava - vuł.Cimirazieva - vuł.Sapioraŭ - prasp.Pieramožcaŭ - vuł.Arłoŭskaja - pł.Banhałor - vuł.Surhanava - prasp.Niezaležnaści - vuł.Starynaŭskaja - vajenny haradok Uručča.

Dziaržaŭtainśpiekcyja rekamienduje kiroŭcam i pasažyram hramadskaha transpartu ŭličvać hetu infarmacyju i płanavać svoj maršrut zahadzia, a taksama nie parkavać transpartnyja srodki na nazvanych učastkach. U advarotnym vypadku aŭtamabili buduć evakujaavanyja.

Клас
0
Панылы сорам
0
Ха-ха
0
Ого
0
Сумна
0
Абуральна
0