Na sajcie CVK źjaviłasia paviedamleńnie (udakładnieńnie pad śpisam inicyjatyŭnych hrup), što kandydat u deputaty Alaksandr Płavinski zajaviŭ pra spynieńnie pracy svajoj inicyjatyŭnaj hrupy.

Płavinski źbiraŭsia bałatavacca ŭ Vilejskaj akruzie (№74), «Naša Niva» paličyła jaho jak rabotnika Vajennaj akademii kandydatam ad «viertykali».

Čamu ž jon terminova adklikaŭ svaju kandydaturu? 

Alaksandr Płavinski prezientuje ŭ Daŭhinaŭskaj škole svaju knihu «Daŭhinaŭski letapis». Fota: Adnakłaśniki

Alaksandr Płavinski prezientuje ŭ Daŭhinaŭskaj škole svaju knihu «Daŭhinaŭski letapis». Fota: Adnakłaśniki

«Naša Niva» dazvaniłasia da pretendenta. Toj śćviardžaje, što nie moža praciahnuć pieravybarčuju honku praz prablemy sa zdaroŭjem.

«Prachodziŭ abśledavańnie zusim voś niadaŭna, i mnie paraili ŭ tempie valsa zrabić apieracyju, — patłumačyŭ Alaksandr Płavinski. — Ja tak prykinuŭ, što naŭrad ci ačuniaju da vybaraŭ. Bo skazali, što zusim niadobraje tam — treba jašče prachodzić abśledavańni roznyja. Raniej niejak na zdaroŭje nie źviartaŭ uvahi, a ciapier voś prypiorła, dyk nie da vybaraŭ. Budu brać na pracy adpačynak i zajmacca saboj».

Vyhladaje, što kandydatam ad viertykali ad Vilejskaj akruhi stanie dyrektarka miascovaj himnazii №1 Natalla Žybul.

Natalla Žybul.

Natalla Žybul.

Natalla 

* * *

Darečy, Alaksandr Płavinski — spadčynny šlachcic, syn vilejskaha krajaznaŭcy Stefana Balasłavaviča Płavinskaha. 

Alaksandr raskazaŭ, što dvanaccać hadoŭ źbiraŭ infarmacyju pra svoj rod, u vyniku vydaŭšy knihu «500 hadoŭ rodu Płavinskich». 

Ciapier supracoŭnik Vajennaj akademii źbirajecca napisać pracu pa historyi rodnaj Vilejščyny. 

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?