U Kramli źviartajuć uvahu na zajavy z pahrozami, jakija robić ekstremisckaja hrupoŭka «Isłamskaja dziaržava», ale jany nie paŭpłyvajuć na rasijskuju palityku pa baraćbie z teraryzmam, zajaviŭ pres-sakratar prezidenta RF Uładzimira Pucina Dźmitryj Piaskoŭ.

«Biezumoŭna, padobnyja publikacyi ŭličvajucca admysłovymi słužbami, jakija adkazvajuć za antyterarystyčnuju pracu i za zabieśpiačeńnie biaśpieki», — zajaviŭ Piaskoŭ.

«Razam z tym, padobnyja pahrozy nie zdolnyja niejak paŭpłyvać na paśladoŭnuju palityku Rasii, palityku prezidenta Pucina pa baraćbie z teraryzmam, ź mižnarodnym teraryzmam, jakaja, biezumoŭna, budzie praciahvacca na ŭsich kirunkach», — dadaŭ jon.

Piaskoŭ zrabiŭ zajavu ŭ adkaz na pytańnie ab tym, ci ličać u Kramli surjoznaj pahrozaj vypuščany ŭ noč na paniadziełak videarolik, u jakim bajeviki «abviaščajuć Rasii džychad». Na zapisy ekstremisty źviartajucca da Uładzimira Pucina i pahražajuć «pryjechać u Rasiju».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?