Znoŭ pajšła havorka pra Kankardat Ryma-Katalickaj carkvy ź biełaruskaj dziaržavaj. Pieršy raz pra mahčymaść Kankardatu ŭzhadavałasia, jak pamiataju, dzieści ŭ hodzie 2002-2003-m, kali byŭ pryniaty novy zakon ab svabodzie sumleńnia, jaki stvaryŭ jurydyčny padmurak dla ekskluziŭnych damovaŭ dziaržavy z asobnymi pryvilejavanymi “tradycyjnymi” kanfesijami.

Pamiataju, jaki padniaŭsia šum, kali Pravasłaŭnaja Carkva Maskoŭskaha Patryjarchatu padpisała adpaviednaje pahadnieńnie. Pahadnieńnie było samaje abstraktnaje, jak kažuć, “ramačnaje”. Zrazumieła było spačatku, što jano realna mała što daść carkvie, navat kali i miełasia na ŭvazie niejkaja čysta namenklaturnaja vyhada. Zatoje Pravasłaŭnaja carkva atrymała pa pieršaj prahramie ŭsie abvinavačvańni nakont “klerykalizmu” i “zrastańnia carkvy i ŭłady”. A pakul pravasłaŭnaje kiraŭnictva tak voś padstaŭlałasia, Katalickaja carkva stajała niejak u staranie, amal što nie razam z pratestantami, jakich zakon abyšoŭ svaimi pryvilejami...

I voś dačakałasia... Letaś ŭ vieraśni pieršy raz ad aficyjnaj dziaržaŭnaj asoby, namieśnika vice-premjera Kasinca, my pačuli pra namier padpisać damovu z Vatykanam. I jak raz u listapadzie ci pa Božaj voli ,ci pa niejkaj inšaj na katedru Minskaha Mitrapalita pryznačajecca Tadevuš Kandrusievič, jaki jak nichto inšy moh spravicca z hetaj dalikatnaj dyplamatyčnaj spravaj.

Potym niejak usie razmovy na hety kont ścichli. Navat Tadevuš Kandrusievič razvodziŭ rukami. Ale sprava usio ž ruchałasia, ab čym i raspavioŭ niadaŭna hałoŭny čynoŭnik pa relihijnych spravach Leanid Hulaka.

Što padšturchnuła dziaržaŭnaje kiraŭnictva pracavać nad Kankardatam? U čym zacikaŭlena dziaržava? Što atrymaje i čym ryzykuje Katalickaja carkva. Maje dumki na hety kont u artykule na sajcie “Carkva”.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?