Na sajcie Ministerstva handlu apublikavanaja infarmacyja ab prypynieńni (zabaronie) raboty handlovych abjektaŭ i abjektaŭ hramadskaha charčavańnia na 10 žniŭnia 2016 hoda. U śpisie 45 pazicyj — začynienyja kramy i kafe raskidanyja pa ŭsioj Biełarusi. Niekatoryja nie pracujuć užo druhi miesiac, praca inšych prypynienaja zusim niadaŭna.
Dźvie ŭstanovy sa śpisu raźmieščany ŭ samym centry Minska: heta bar Pinky Bandinsky (na vuł. Kamsamolskaj) i kafe YO! Sushi (na vulicy Internacyjanalnaj). U pieršym Minhandlu vyjaviła nievykanańnie zaćvierdžanaha asartymientnaha pieraliku na 6,25%, 12 najmieńniaŭ tavaraŭ z praterminavanaj prydatnaściu i inš. U druhim — nievykanańnie zaćvierdžanaha asartymientnaha pieraliku na tracinu i try najmieńni tavaraŭ z praterminoŭkaj.
Taksama z 6 žniŭnia časova zakryty restaran hruzinskaj kuchni «Mimino» na Druhim kalcy. Tut śpiecyjalisty Minhandlu vyjavili 15 najmieńniaŭ tavaru z praterminoŭkaj.
Ustanovy zmohuć adnavić pracu paśla taho, jak likvidujuć znojdzienyja parušeńni.
Minski sajt ab ježy koko.by nazyvaŭ Pinky Bandinsky «tym samym modnym i dzika papularnym baram».
