U Miensku ŭzarvalisia «Žyhuli», jakija naležać 51‑hadovamu ślesaru‑elektryku adnaho sa staličnych pradpryjemstvaŭ.
Pavodle źviestak adździaleńnia infarmacyi i hramadzkich suviaziaŭ HUUS Mienharvykankamu, napačatku piataj viečara ŭ piatnicu nasuprać domu № 30 pa vulicy Hurskaha raptoŭna ŭzarvaŭsia aŭtamabil, jaki ruchaŭsia. Jak vyśvietliłasia, hrymnuŭ bałon hazavaha abstalavańnia, što znachodziŭsia ŭ bahažniku. Na ščaście, nichto ź ludziej nie paciarpieŭ. A voś kuzaŭ «Žyhuloŭ» istotna paškodžany. Taksama vybiła zadniaje vietravoje škło ŭ aŭtamabila «Tajota‑Kiemry», jaki znachodziŭsia na stajancy. Zaraz kampetentnymi słužbami vyśviatlajecca pryčyna vybuchu. Miž inšym, vadziciel «Žyhuloŭ» maje akt pravierki hazavaha abstalavańnia ad 2007 hoda, a data nastupnaha ahladu — luty 2009 hoda.