Miž inšym, matč pačaŭsia ŭčora, ale ŭ siaredzinie druhoha setu — biełaruska prajhrała pieršy 2:6, i sastupała ŭ druhim 2:3 ‑‑ matč byŭ pierarvany. Pryčyna — ciemra, što apuściłasia na Paryž. Ci ŭ to ŭ horadzie kachańnia aščadžajuć na elektryčnaści, ci to nie chapiła śviečak : ), ale matč pieranieśli na aŭtorak.
Siońnia Kuźniacova ŭpeŭniena daviała hulniu da pieramohi. Ahulny lik: 2:6, 3:6. U čverćfinale jana sustreniecca z estonkaj Kajaj Kanepi.
Prajhrała siońnia Viktoryja i ŭ parnym razradzie. Razam ź izrailciankaj Šachar Pejer jany sastupili Kejsi Delakua (Aŭstryja) / Frančeskaj Skjavonie (Italija) - 6:7 (4:7), 5:7.
Biełaruska praciahnie baraćbu ŭ mikście razam z mehazorkaj parnaha tenisu Bobam Brajanam (ZŠA). Biełaruska-amerykanski duet, nie zvažajučy na roznyja dyplamatyčnyja kanflikty miž krainami, vyjdzie suprać Ŭładzimiery Uhlirovaj (Čechija) i Maryjuša Fyrstenberha (Polšča).
