Heta adbyłosia siońnia paśla taho, jak Viera Stramkoŭskaja paabiacała padać na žurnalista skarhu ŭ prakuraturu ci zajavu ŭ sud, kali jon nie abvierhnie zajavu, što advakat Viera Stramkoŭskaja nibyta atrymlivała hrant u ambasadzie ZŠA.
«Maja zajava mieła vynik. Spačatku jon admoviŭsia davać abviaržeńnie, ale potym sam patelefanavaŭ i paprasiŭ prabačeńnia. Skazaŭ, što jany pierapravieryli dadzienyja i pierakanalisia, što nasamreč nijakich hrantaŭ ja nie atrymlivała. Cikava, što pieraškadžała jamu pravieryć heta da pieradačy? U vyniku Prakopaŭ paabiacaŭ abvierhnuć źviestki i ŭ teleefiry. Pahladžu, jak jon heta zrobić. Kali nie zrobić, sapraŭdy źviarnusia ŭ prakuraturu. Skarha užo napisanaja» , ‑‑ paviedamiła Viera Stramkoŭskaja Radyjo Svaboda.
Iłžyvyja źviestki pra toje, nibyta Viera Stramkoŭskaja atrymała hrošy ŭ amerykanskaj ambasadzie prahučali 1‑ha červienia ŭ prahramie «Panarama tydnia ź Jurjem Prakopavym». Taksama siarod hrantaatrymalnikaŭ byli nazvany dačka eks‑kandydata na prezydenta Julija Kazulina, były deputat Ludmiła Hraznova, redaktar «Narodnaj voli» Josif Siaredzič.
«Nijakich hrošaj ad amerykanskaj ambasady siamja Kazulina, a tym bolš ja asabista, nie atrymlivała. Ja ŭvohule zaraz dalokaja ad palityki, u mianie na pieršym miescy vučoba. Z hetym paklopam budziem vyznačacca, nie vyklučaju, što padadzim ŭ sud», ‑‑ prakamentavała prahramu Jurja Prakopava Julija Kazulina.
