U pryvatnaści, taryf na elektraenierhiju dla kvater, abstalavanych elektraplitami, pavyšany na 25% i składaje 105 rubloŭ za 1 kVt•hadz (raniej — 84 rubli), dla astatnich kvater taryf pavialičany z 116 da 145 rubloŭ.
Ustanoŭleny taksama taryfy na elektraenierhiju dla nasielnictva, dyfierencyjavanyja pa hadzinnych pieryjadach. Tak, košt elektraenierhii ŭ pieryjad minimalnych nahruzak (z 22.00 da 17.00) pavyšany z 81,2 da 101,5 rubloŭ, maksimalnych (z 17.00 da 22.00) — z 232 za 1 kVt•hadz da 290 rubloŭ. U kvaterach z elektryčnymi plitami taryfy składuć adpaviedna 73,5 rubla (raniej — 58,8) i 210 rubloŭ (168).
Košt elektraenierhii dla patrebaŭ aciapleńnia i haračaha vodazabieśpiačeńnia z dałučanaj mahutnaściu abstalavańnia bolš jak 5 kVt u pieryjad minimalnych nahruzak (z 23.00 da 6.00) ustanoŭleny na ŭzroŭni 145 rubloŭ (raniej 116), u astatni čas sutak — 725 rubloŭ (raniej 580) za 1 kVt•hadz.
Na 10% vyraśli taryfy pa techničnym absłuhoŭvańni žyłych damoŭ — z 240,3 da 264,6 rubla za miesiac za 1 kv. m ahulnaj płoščy žyłoha pamiaškańnia.
Zhodna z pastanovaj taryf na ciepłavuju enierhiju dla patrebaŭ aciapleńnia i haračaha vodazabieśpiačeńnia z 1 maja składaje 37.580,7 rubla za 1 Hkał (raniej 36.355,5 rubla).
U Ministerstvie enierhietyki pavyšeńnie taryfaŭ tłumačać nizkim pakryćciom zatrataŭ na vytvorčaść elektraenierhii.
Apošni raz taryfy na elektraenierhiju ŭ Biełarusi pavyšalisia 1 studzienia 2008 hoda na na 3,5%.
