Małodšaja dačka prezidenta Uźbiekistana Isłama Karymava Łoła Karymava-Cilajeva u svaim Instagram pavinšavała ŭsich žycharoŭ krainy z Dniom niezaležnaści i padziakavała za padtrymku i pažadańni vylečvańnia jaje baćki. Pavodle jaje słoŭ, jany dapamahajuć u hetym prezidentu.

«Ja taksama chacieła skarystacca hetaj mahčymaściu i ad dušy padziakavać usim za vašyja dobryja, ščyryja, śvietłyja słovy padtrymki i pažadańni chutčejšaha vyzdaraŭleńnia našamu prezidentu! Heta vielmi šmat značyć dla nas, i ja ŭpeŭnienaja, što hetaja vielizarnaja siła dabra, jakaja zychodzić z samoj hłybini vašych sercaŭ, dapamahaje ŭ jaho vylečvańni! Dziakuj vam vialiki!» — Napisała dačka Karymava.

Va Uźbiekistanie admienieny zapłanavanyja na 31 žniŭnia aficyjnyja ŭračystaści, prymierkavanyja da 25-ch uhodkaŭ abviaščeńnia niezaležnaści krainy. U papiarednija hady ŭ hety dzień prezident Uźbiekistana Isłam Karymaŭ zvyčajna źjaŭlaŭsia na publicy.

Pakul niezrazumieła, ci admienienyja śviatočnyja mierapryjemstvy mienavita z pryčyny ciažkaj chvaroby prezidenta. Niajasna taksama, ci adbuducca narodnyja hulańni, jakija ŭ suviazi sa śviatam zvyčajna pravodziacca 1 vieraśnia.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?