U Biełarusi pryznačanyja nadbaŭki da zarabotnaj płaty nastaŭnikam pry akazańni imi płatnych adukacyjnych pasłuh u škole. Adpaviednaje rašeńnie pryniataje pastanovaj Savieta Ministraŭ ad 30 žniŭnia 2016 hoda numar 688, paviedamili ŭ pres-słužbie ŭrada.

U adpaviednaści z pastanovaj nastaŭnikam, jakija pracujuć na pasadzie piedahoha dadatkovaj adukacyi, pry akazańni imi płatnych adukacyjnych pasłuh va ŭstanovach ahulnaj siaredniaj adukacyi pryznačanyja nadbaŭki za najaŭnaść kvalifikacyjnaj katehoryi nastaŭnika.

«Pryniaćcie pastanovy daść mahčymaść pravodzić apłatu pracy piedahohu dadatkovaj adukacyi pry akazańni płatnych adukacyjnych pasłuh z ulikam isnujučaj kvalifikacyjnaj katehoryi nastaŭnika, — adznačyli ŭ pres-słužbie. - Naprykład, piedahoh dadatkovaj adukacyi za druhuju kvalifikacyjnuju katehoryju nastaŭnika atrymaje nadbaŭku ŭ pamiery 30 pracentaŭ taryfnaj staŭki, za pieršuju kvalifikacyjnuju katehoryju — 55 pracentaŭ, za vyšejšuju katehoryju — 90 pracentaŭ, za katehoryju nastaŭnika-mietadysta — 120 pracentaŭ».

Pastanova ŭstupaje ŭ siłu paśla jaje aficyjnaha apublikavańnia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?