Biełaruski dziaržaŭny ŭniviersitet i Tadžykski nacyjanalny ŭniviersitet (TNU) stvaryli sumiesny Instytut technałohij BDU-TNU, paviedamili ŭ pres-słužbie Biełdziaržuniviersiteta.

Adukacyjny praces u Instytucie technałohij BDU-TNU projdzie pa sistemie «2+2». Pieršyja dva hady studenty vučacca ŭ TNU, a nastupnyja dva — u BDU. Abarona dypłomaŭ adbudziecca ŭ biełaruskaj VNU.

U składzie instytuta try fakultety: infarmacyjnych technałohij, ekołahaźbierahalnych technałohij TNU-MDEI imia A.D. Sacharava i fakultet daŭniviersiteckaj adukacyi.

Tadžykski nacyjanalny ŭniviersitet stvorany ŭ 1947 hodzie. U TNU rychtujuć śpiecyjalistaŭ na fizičnym fakultecie, chimičnym, miedycynskim, fiłasofskim, jurydyčnym, histaryčnym, fiłałahičnym, finansava-ekanamičnym i inšych. Dziejničajuć łabaratoryi, Centr navukovych daśledavańniaŭ i navukova-techničnych raspracovak, navukovaja biblijateka, siektar małoj palihrafii, linhafonnyja kabiniety, bataničny sad.

TNU maje ciesnyja kantakty z mnohimi viadučymi VNU i navukova-daśledčymi instytutami śvietu, siarod jakich Maskoŭski dziaržuniviersitet imia M.V. Łamanosava, Sankt-Pieciarburhski dziaržaŭny ŭniviersitet.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?