Lidzija Jarmošyna zastajecca na pasadzie staršyni Centralnaj kamisii pa vybarach i praviadzieńni respublikanskich refierendumaŭ paśla 20 śniežnia 2016 hoda. Pra heta jana paviedamiła pa vynikach sustrečy z Alaksandram Łukašenkam.

Termin paŭnamoctvaŭ dziejučaha składu Centrvybarkama zakančvajecca 20 śniežnia. U suviazi z hetym Łukašenka abmierkavaŭ ź ciapierašniaj kiraŭnikom CVK novy kadravy skład kamisii. «Staršynia kamisii, jak akazałasia, nie mianiajecca», — skazała Lidzija Jarmošyna pa vynikach sustrečy. Staršynia Centrvybarkama taksama paviedamiła, što na pasadu sakratara CVK prapanujecca vykanaŭca jaho abaviazkaŭ, načalnik arhanizacyjna-pravavoha adździeła kamisii Alena Dmuchajła.

Pasada namieśnika staršyni CVK tradycyjna zamiaščajecca kiraŭnikom Nacyjanalnaha centra zakanadaŭstva i pravavych daśledavańniaŭ. Ciapier jaho dyrektaram źjaŭlajecca Vadzim Ipataŭ. «Jon budzie vykonvać hetyja abaviazki i ŭ nastupnym sklikańni Centralnaj kamisii», — patłumačyła Lidzija Jarmošyna.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?