«My zapuścili telekanał inaviaščańnia UATV. Jon prysutničaje ŭ našym z vami rehijonie, heta značyć, sa spadarožnikavaj talerki jaho možna łavić u Biełarusi. Paśla sustrečy našych prezidentaŭ, na jakoj była dasiahnutaja peŭnaja damoŭlenaść pra abmien infarmacyjnym praduktam, my niekalki razoŭ razmaŭlali sa spadaryniaj Ananič (ministram infarmacyi Biełarusi — red.) z metaj uklučyć u biełaruskija kabielnyja sietki ŭkrainski telekanał. Naŭzamien my ŭklučajem biełaruski telekanał, — raspavioŭ Bidzienka. — My nie možam ŭvieści cenzuru na UATV, ale my možam harantavać, što tam nie budzie nijakich rečaŭ, jakija b nieśli pahrozu dziaržaŭnaści Biełarusi. Ale tam moža być niešta, što nie spadabajecca Rasii».
Pa słovach Bidzienki, biełaruski bok adkazaŭ, što zrazumieŭ damoŭlenaść prezidentaŭ pa-inšamu. Što budzie stvorany častkova kamiercyjny sumiesny biełaruska-ŭkrainski telekanał pa svajoj skiravanaści padobny da zabaŭlalnaha kanała «1+1» va Ukrainie.
«Tolki tak biełaruski bok situacyju i bačyć, — kaža Bidzienka. — Ale, pakolki ŭ nas niama takich mahčymaściaŭ i paŭnamoctvaŭ, my dalej ruchacca nie možam. Heta značyć, my možam albo abmianiacca telekanałami, albo čakać niejkaha inšaha rašeńnia biełaruskaha boku».
