Takaja damoŭlenaść dasiahnutaja pa vynikach sustrečy premjer-ministra Biełarusi Andreja Kabiakova i staršyni ŭrada Słavakii Robierta Fica.
BiełTA
Pierśpiektyŭnym taksama bačycca supracoŭnictva ŭ drevaapracoŭcy, śfiery infarmacyjnych technałohij, sielskaj haspadarcy, turyźmie.
Jak paviedamiŭ žurnalistam Andrej Kabiakoŭ, u čas pierahavoraŭ padrabiazna abmiarkoŭvaŭsia šyroki śpiektr pytańniaŭ biełaruska-słavackaha ŭzajemadziejańnia. Pry hetym klučavym napramkam uzajemadziejańnia źjaŭlajecca handlova-ekanamičnaje supracoŭnictva.
Hety vizit słavackaj delehacyi maje asablivuju značnaść jak dla raźvićcia dvuchbakovych adnosin, tak i ŭ kantekście pašyreńnia ŭzajemadziejańnia Biełarusi i ES. «Raźličvajem na sadziejničańnie słavackaha boku dalejšamu raźvićciu ŭzajemavyhadnaha supracoŭnictva Biełarusi ź Jeŭrasajuzam, u tym liku pa linii «Uschodniaha partniorstva», — adznačyŭ premjer-ministr.
Sadziejničać realizacyi namiečanych płanaŭ budzie biełaruska-słavackaja sumiesnaja kamisija pa handlova-ekanamičnym i navukova-techničnym supracoŭnictvie. Jaje pasiadžeńnie płanujecca ŭ pieršym kvartale 2017 hoda.
U svaju čarhu Robiert Fica prapanavaŭ pravieści ŭ Słavakii forum pradprymalnikaŭ dźviuch krain, a taksama padpisać dvuchbakovaje pahadnieńnie ab navukova-techničnym supracoŭnictvie.