Prezident ZŠA Barak Abama vykazaŭ spačuvańni siamji Fidela Kastra i zajaviŭ, što ŭ čas, kali lidar kubinskaj revalucyi sychodzić, ZŠA praciahvajuć ruku družby narodu Kuby. Abama ličyć, što historyja acenić upłyŭ Kastra na Kubu i śviet, paviedamlaje Reuters.

Abrany prezident ZŠA Donald Tramp taksama vykazaŭsia pra śmierć lidara kubinskaj revalucyi. Jon ličyć, što paśla śmierci Kastra kubinskaje hramadstva budzie bolš svabodnym, pieradaje TASS.

Tramp nazvaŭ Kastra «žorstkim dyktataram, jaki padviarhaŭ represijam svoj narod».

«Spadčyna Fidela Kastra — heta rasstrelnyja kamandy, kradziež, niejmaviernyja pakuty, biednaść i admaŭleńnie bazavych pravoŭ čałavieka», — skazana ŭ paviedamleńni.

Tramp ličyć, što hety dzień adznačyć pierachod da budučyni, kali kubinski narod budzie žyć svabodna. Budučy haspadar Biełaha doma zapeŭniŭ, što jaho administracyja budzie rabić usio mahčymaje, kab harantavać kubinskamu narodu mahčymaść pačać šlach da roskvitu i svabody.

Клас
Панылы сорам
Ха-ха
Ого
Сумна
Абуральна