Azierbajdžan moža raźličvać na Biełaruś jak na samaha blizkaha siabra. Pra heta Alaksandr Łukašenka zajaviŭ siońnia na aficyjnych pierahavorach z prezidentam Azierbajdžana Ilchamam Alijevym u farmacie sam-nasam.

Łukašenka pryznaŭsia, što, pryjazdžajučy ŭ Baku, zaŭsiody ździŭlajecca tamu, jak u horadzie sučasnyja zbudavańni ŭdačna harmanirujuć z histaryčnymi budynkami. Jon taksama pavinšavaŭ Ilchama Alijeva ź pierakanaŭčaj padtrymkaj hramadzianami Azierbajdžana prapanavanych kanstytucyjnych źmianieńniaŭ, źviazanych z pavieličeńniem prezidenckaha terminu da siami hadoŭ.

«Zastałosia samaje małoje — ruchacca takim ža čynam, jak heta było dasiul, dziakavać svajmu narodu voś takimi pośpiechami ŭ raźvićci narodnaj haspadarki Azierbajdžana. Zrazumieła, vy možacie na nas raźličvać jak na samych blizkich siabroŭ. Kali my čymści možam być karysnyja vam u Azierbajdžanie, my zaŭsiody heta zrobim. Našy mahčymaści vy dobra viedajecie, vy vialiki siabar Biełarusi», — skazaŭ Alaksandr Łukašenka.

«U nas niama zakrytych tem, my supracoŭničajem pa ŭsich kirunkach i budziem supracoŭničać pa ŭsich napramkach. My nikomu nie škodzim našym supracoŭnictvam, my adkrytyja i dalej budziem adkrytyja, publičnyja pry abmierkavańni samych złabadzionnych pytańniaŭ našaj rečaisnaści», — źviarnuŭ uvahu kiraŭnik dziaržavy.

«Našy sustrečy majuć rehularny charaktar. Heta śviedčyć ab tym, što adnosiny pamiž našymi dziaržavami samyja blizkija i družalubnyja, — skazaŭ u adkaz Ilcham Alijeŭ. — My nastrojeny na aktyŭny praciah supracoŭnictva ź Biełaruśsiu pa ŭsich kirunkach. Siońnia dvuchbakovy farmat achoplivaje praktyčna ŭsie śfiery našaha žyćcia, i idzie naroščvańnie supracoŭnictva ŭ tradycyjnych śfierach. My taksama vyznačajem novyja kirunki».

Prezident Azierbajdžana padkreśliŭ, što za apošnija hady krainy vyrašyli vielmi šmat pytańniaŭ u dvuchbakovym supracoŭnictvie. «My siabry, partniory. Zaŭsiody adno adnaho padtrymlivali i padtrymlivajem va ŭsich pytańniach, — źviarnuŭ uvahu jon. — Upeŭnieny, što siońniašni vizit daść novy šturšok raźvićciu našaha supracoŭnictva».

Mierapryjemstva prachodzić u rezidencyi prezidenta Azierbajdžana «Zahulba». Pieramovam papiaredničała cyrymonija aficyjnaj sustrečy Ilchamam Alijevym kiraŭnika biełaruskaj dziaržavy. Paśla vykanańnia himnaŭ abiedźviuch krain i cyrymanijału z udziełam roty hanarovaj varty prezidenty sieli za stoł pierahavoraŭ, jakija spačatku prachodziać u farmacie sam-nasam, a zatym adbuducca ŭ pašyranym składzie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?