12 śniežnia vakalist i zasnavalnik rehi-hurtu Klim Małažavy asudžany Maładziečanskim rajonnym sudom da 9 hadoŭ źniavoleńnia ŭ kalonii strohaha režymu z kanfiskacyjaj majomaści. Jaho abvinavacili ŭ niezakonnym abaračeńni narkotykaŭ.

Pra heta karespandentu Svabody paviedamiŭ vakalist hurtu Andrej Bahamołaŭ, jaki prysutničaŭ na ŭsich šaści pasiadžeńniach sudu.

«Sprava viałasia praktyčna sa słovaŭ adnaho čałavieka, hałoŭnaha śviedki suprać Klima — znakamitaha biełaruskaha muzyki Kości Haračaha. Prakuror adrazu zaprasiŭ 9 hadoŭ uzmocnienaha režymu. Čamuści ŭ pracesie nia byŭ ustanoŭleny hienom, u telefonnych razmovach nie viałasia havorka pra nabyćcio. To bok usia sprava była vybudavana na słovach adnaho čałavieka. Jak nie kruci, 9 hadoŭ — heta mnoha».

Asudžanyja taksama i dvoje siabroŭ Klima: Kościa Haračy atrymaŭ try hady ŭmoŭna, a dyzajner hurtu Sazonaŭ dva hady «chimii».

Klima Małažavaha zatrymali 27 lipienia. Tamu da svajho 10-hodździa hurt vypuściŭ svoj novy albom bieź jaho ŭdziełu.

Taksama Botanic Project zapisaŭ pieśniu «A chto tam idzie?» na vierš Janki Kupały 1905—1907 hadoŭ i muzyku pieśni «Exodus» słavutaha jamajskaha rehi-śpievaka Boba Marli.

Клас
0
Панылы сорам
0
Ха-ха
0
Ого
0
Сумна
0
Абуральна
0