Pieršuju elektraenierhiju atrymali na Viciebskaj HES, stancyja pracuje ŭ testavym režymie. Pra heta siońnia paviedamiŭ žurnalistam namieśnik hienieralnaha dyrektara pa kapitalnym budaŭnictvie RUP «Viciebskenierha» Juryj Mićkaviec, pieradaje BiełTA.

«Praktyčna ŭsie pracy pa budaŭnictvie hidravuzła zavieršanyja, faktyčna skončany i mantaž abstalavańnia, viadziecca jaho naładka. U chodzie puskanaładačnych rabot 1 śniežnia byŭ uklučany ŭ pracu z vydačaj elektraenierhii pieršy hidraahrehat, 7 śniežnia zapuščany druhi, 14 śniežnia płanujecca ŭklučeńnie ŭ sietku treciaha hidraahrehata, a zatym čaćviortaha. Takim čynam faktyčna budaŭnictva abjekta vychodzić na finišnuju pramuju, i stancyja pracuje ŭ testavym režymie z vydačaj elektraenierhii ŭ sietku biełaruskaj enierhasistemy», — skazaŭ Mićkaviec.

Kantrakt na budaŭnictva hidravuzła Viciebskaj HES zaklučany z Kitajskaj nacyjanalnaj karparacyjaj pa elektraabstalavańni (CNEEC). Ustanoŭlenaja mahutnaść Viciebskaj HES — 40 MVt (4 hidraturbiny pa 10 MVt). Hadavaja ekanomija paliva pa RUP «Viciebskenierha» składzie — 42,6 tys. t umoŭnaha paliva, abo $11,56 młn.

Клас
0
Панылы сорам
0
Ха-ха
0
Ого
0
Сумна
0
Абуральна
0