U pastanovu Savieta Ministraŭ numar 1426 ad 25 kastryčnika 2011 hoda «Ab niekatorych pytańniach abychodžańnia z abjektami raślinnaha śvietu» ŭniesieny źmianieńni. Adpaviednaje rašeńnie ŭrada zamacavana pastanovaj numar 1020 ad 14 śniežnia, apublikavanaj siońnia na sajcie ŭrada.

Fota Siarhieja Hudzilina

Jak rastłumačyŭ namieśnik načalnika ŭpraŭleńnia bijałahičnaj i łandšaftnaj raznastajnaści Ministerstva pryrodnych resursaŭ i achovy navakolnaha asiarodździa Andrej Kuźmič, pastanova numar 1020 pryvodzić šerah pałažeńniaŭ, što datyčacca abychodžańnia z abjektami raślinnaha śvietu, u adpaviednaść z pryniatym 18 lipienia 2016 hoda zakonam, jaki ŭnosić źmianieńni ŭ zakon «Ab raślinnym śviecie». I zakon, i pastanova ŭstupajuć u siłu z 31 śniežnia.

«Adnym z asnoŭnych novaŭviadzieńniaŭ źjaŭlajecca toje, što ciapier dla vysiečki dreŭ, jakija pryznany niebiaśpiečnymi, nie budzie patrabavacca atrymańnie dazvołaŭ vykankamaŭ. Dazvoł vydajecca na praciahu miesiaca, a takija drevy treba prybirać chutka. Ciapier hety paradak spraščajecca», — padkreśliŭ Andrej Kuźmič.

U zakonie vyrazna prapisana, jakija drevy mohuć być pryznany niebiaśpiečnymi. «Kab likvidavać takoje dreva, zamlekarystalnik, u jakoha jano raście, pavinien zaprasić upaŭnavažanuju vykankamam arhanizacyju ŭ halinie azielanieńnia, jakaja vydaje adpaviednaje zaklučeńnie. Dla hetaha pradstaŭnik arhanizacyi fatahrafuje dreva, apisvaje prykmiety, u adpaviednaści ź jakimi jano pryznana niebiaśpiečnym (jany taksama prapisany ŭ zakonie), i na padstavie hetaha dakumienta možna pravodzić vysiečku dreva», — rastłumačyŭ Andrej Kuźmič.

Jašče adnym važnym źmianieńniem stanie raspaŭsiudžvańnie dziejańnia zakona na likvidavańnie abjektaŭ raślinnaha śvietu (dreŭ, kustoŭ, hazonaŭ) nie tolki ŭ nasielenych punktach, ale i za ich miežami (akramia lasnoha fondu). «Da 31 śniežnia tyja drevy i kusty, jakija znachodziacca za miežami nasielenych punktaŭ, vysiakajucca ŭ adpaviednaści ź Lasnym kodeksam», — źviarnuŭ uvahu śpiecyjalist. Akramia taho, pavodle novych pravił, kali dreva pierasadžvajecca, to naznačajecca kampiensacyja — za heta kampiensacyja nie praduhledžana.

Namieśnik načalnika ŭpraŭleńnia bijałahičnaj i łandšaftnaj raznastajnaści Minpryrody kanstatavaŭ, što pryniaćcie źmianieńniaŭ i dapaŭnieńniaŭ u zakon «Ab raślinnym śviecie», takich jak dadatkovaje rehulavańnie pytańniaŭ, źviazanych z zachavańniem azialenienych terytoryj nasielenych punktaŭ, prydarožnych nasadžeńniaŭ — krok napierad va ŭdaskanaleńni zakanadaŭstva ab raślinnym śviecie

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?