Maksim Piakarski, Viačasłaŭ Kasinieraŭ i Vadzim Žaromski — troje hraficistaŭ, jakich letam 2015 hoda žorstka zatrymała milicyja.

Źleva naprava: Vadzim Žaromski, Viačasłaŭ Kasinieraŭ, Maksim Piakarski

Źleva naprava: Vadzim Žaromski, Viačasłaŭ Kasinieraŭ, Maksim Piakarski

Pryčynaj stała zapeckvańnie farbaj biłbordaŭ i malavańnie hrafici «Biełaruś maje być biełaruskaj». Kasinieravu pry zatrymańni złamali skivicu (u kryminalnaj spravie ŭ dačynieńni da supracoŭnika SACHR chłopcu paźniej admovili). Maksim Piakarski kala 20 dzion pravioŭ za kratami.

Nieŭzabavie paśla ich zatrymańnia na sajcie Śledčaha kamiteta źjaviŭsia voś hety artykuł.

Chłopcy paličyli artykuł abraźlivym i padali pazoŭ u sud. Jany chočuć, kab artykuł źniali i apublikavali na sajcie Śledčaha kamiteta aficyjnaje abviaržeńnie.

Pasiadžeńnie vioŭ sudździa Alaksandr Kočyk. Ad Śledčaha kamiteta prysutničali načalnik adździeła infarmacyi i suviaziaŭ z hramadskaściu centralnaha aparata SK Siarhiej Kabakovič i hałoŭny inśpiektar upraŭleńnia pravavoha zabieśpiačeńnia centralnaha aparata SK Darja Paramonava.

«Niahledziačy na toje, što našy imiony nie ŭkazvalisia, z paviedamleńnia było vidavočna, pra jakich asob idzie havorka. Hety fakt paćviardžajecca taksama toj akaličnaściu, što paśla raźmiaščeńnia artykuła na sajcie SK dadzienaja navina była skapijavanaja roznymi navinovymi sajtami sa spasyłkami na SK i z ukazańniami našych imionaŭ. Zychodziačy z adkazaŭ SK na našy skarhi, hety dziaržaŭny orhan taksama nie admaŭlaŭ, što navina na aficyjnym sajcie aśviatlała abstaviny kryminalnaj spravy ŭ dačynieńni da nas», — havorycca ŭ poźvie chłopcaŭ.

Sud nie pryznaŭ ich chulihanami, adznačajuć chłopcy, ale jašče da suda ich tak nazyvali ŭ artykule Śledčaha kamiteta. Taksama ŭ artykule śćviardžajecca, što ŭ fihurantaŭ spravy byŭ znojdzieny traŭmatyčny pistalet.

«Traŭmatyčnaja zbroja zabaronienaja ŭ Biełarusi. U mianie znajšli zvyčajnuju dazvolenuju pnieŭmatyku, jakuju potym i viarnuli», — adznačyŭ Vadzim Žaromski.

«Taksama ŭ artykule viełasipiednuju masku čamuści nazvali «maskaj dla prystrašeńnia». Heta całkam chłuślivaja častka ŭ tym tekście», — skazaŭ Viačasłaŭ Kasinieraŭ. 

Viačasłaŭ Kasinieraŭ.

Viačasłaŭ Kasinieraŭ.

 Śledčy kamitet patrabavańni pozvy nie pryznaŭ.

«U artykule nie ŭkazanyja piersanalnyja dadzienyja, pa jakich možna identyfikavać pazoŭnikaŭ», — patłumačyła Darja Paramonava.

«Ale ci možna biez rašeńnia suda nazyvać kahości chulihanam?», — spytaŭ u jaje Žaromski.

«Heta što, pravavy likbiez?», — spytała Paramonava.

«Tak», — adkazaŭ Žaromski.

Paramonava paprasiła źniać pytańnie. Sudździa admoviŭ.

«Toje, što asoby zatrymany pa dadzienym artykule, značyć, što ich dziejańni kvalifikavanyja jak chulihanstva», — adkazała Paramonava.

Asnoŭny praces pa spravie pačniecca 13 studzienia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?