«Sprava znachodzicca ŭ sudzie, tamu ŭsio mahčyma», — skazaŭ jon, adkazvajučy na pytańnie, ci mahčyma sudovaje ŭrehulavańnie ź Biełaruśsiu hazavaha pytańnia.

«Ja nie viedaju, ci praciahnucca pieramovy ŭ hetym hodzie albo ŭžo paśla śviataŭ. Ciapier składana skazać», — cytuje Dvarkoviča TASS.

Minsk i Maskva dahetul nie ŭrehulavali pytańni koštu rasijskaha hazu i zahruzki syravinaj biełaruskich naftapierapracoŭčych zavodaŭ. Z 2016 hoda Rasija zhodna z damoŭlenaściami pavinna była pastaŭlać u Biełaruś štohod 24 młn ton nafty až da 2024 hoda. Adnak z druhoha paŭhodździa pastaŭki byli skaročanyja spačatku da 3,5 młn ton u kvartał, a z kastryčnika — užo da 3 młn ton. Heta stała adkazam na zapazyčanaść pa pastaŭkach rasijskaha hazu ŭ 281 młn dołaraŭ. 19 kastryčnika staršynia praŭleńnia Nacbanka Pavieł Kałaur zajaviŭ ab najaŭnaści srodkaŭ dla raźlikaŭ za haz, a 21 kastryčnika ministr enierhietyki Biełarusi Uładzimir Patupčyk śćviardžaŭ, što hrošy za haz «siońnia pieraličvajem», ale hetaha nie adbyłosia.

8 śniežnia pres-sakratar premjer-ministra Uładzisłaŭ Syčevič paviedamiŭ, što Biełaruś ažyćciaviła avansavy płaciež za pastaŭku rasijskaha hazu. «Biełaruś zacikaŭlenaja ŭ jak maha bolš chutkim vyrašeńni situacyi, jakaja skłałasia, u suviazi z čym u jakaści pieršaha kroku i žestu dobraj voli ažyćciaviła apieradžalny avansavy płaciež za pryrodny haz», — skazaŭ Syčevič.

Pamier płaciažu, abjom i košt apłačanaha hazu nazvanyja nie byli. Adnak Arkadź Dvarkovič u kancy minułaha tydnia zajaviŭ, što Rasija viarnuła hety płaciež, pakolki čakaje poŭnaj apłaty zapazyčanaści za haz.

Rasijski pasoł Alaksandr Surykaŭ na pres-kanfierencyi ŭ Minsku 20 śniežnia zajaviŭ, što dakumient ab vyrašeńni naftahazavaj sprečki pamiž Biełaruśsiu i Rasijaj budzie padpisany ŭ najbližejšyja dni. Žurnalisty nahadali Surykavu, što 15 śniežnia jon anansavaŭ vyrašeńnie naftahazavaj sprečki da 20 śniežnia. «Dvaccataje čysło, nie dvaccataje… Ale ŭ najbližejšyja dni ŭ lubym vypadku budzie padpisany adpaviedny dakumient, jaki zdymie ŭsie roznahałośsi», — vykazaŭ upeŭnienaść pasoł RF.

Клас
0
Панылы сорам
0
Ха-ха
0
Ого
0
Сумна
0
Абуральна
0