Kanstytucyjny sud Hruzii dazvoliŭ žycharam krainy spažyvać marychuanu ŭ nievialikich kolkaściach.

Hałoŭnaj umovaj lehalnaha spažyvańnia narkotyka sud nazvaŭ niedastatkovy dla prodažu abjom: kali heta nie bolej za 70 hramaŭ marychuany, praktyčna niemahčyma dakazać, što jaje ŭładalnik płanavaŭ zbyć narkotyk.

Praz heta kryminalnuju adkaznaść za jaje zachoŭvańnie i spažyvańnie sud paličyŭ niehumannym.

Prodaž marychuany zastajecca pad zabaronaj z praduhledžanaj kryminalnaj adkaznaściu.

Taksama ŭsio jašče zabaroniena nabyvać narkotyk dla asabistych metaŭ, adnak hetuju zabaronu sud taksama płanuje pierahledzieć.

Dahetul u Hruzii była administratyŭnaja adkaznaść dla tych, kaho ŭpieršyniu łavili na spažyvańni marychuany i kryminalnaja — za recydyŭ.

Za paŭtornaje spažyvańnie narkotyka praduhledžvałasia da hoda turmy, a za zachoŭvańnie i raspaŭsiud — da 11 hadoŭ źniavoleńnia. Pry hetym marychuana źjaŭlajecca samym papularnym narkotykam u Hruzii i jaje spažyvajuć dźvie traciny narkamanaŭ, pieradaje VVS.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?