Telekanał «Biełaruś-1» apublikavaŭ frahmienty intervju rasijskaha chłopčyka Jaŭhiena Hryšyna ź Mikałajem Łukašenkam.

Aproč inšaha, Jaŭhien spytaŭ, ci chacieŭ by Kola stać pierajemnikam baćki na pasadzie prezidenta Biełarusi. 

«Mnohija ludzi pytajucca ŭ mianie pra heta, — skazaŭ Mikałaj Łukašenka. — Mnie ščyra nie vielmi b chaciełasia, budzie vielmi ciažkaje žyćcio, nie ŭpeŭnieny, što hatovy. Moža, staŭ by doktaram — dapamahać ludziam, heta dobra. Moža, abraŭ by vajskovuju karjeru. Čas jašče jość padumać». 

Taksama Kola pravioŭ dla svajho intervjujera ekskursiju pa siamiejnaj haspadarcy: tam 10 koz, 7 karoŭ, 47 trusoŭ roznych parodaŭ, dekaratyŭnyja kury, husi, paŭliny, try strausy, koni, poni… 

Lubimy kot Mikałaja Łukašenki

Lubimy kot Mikałaja Łukašenki

«Jaječnia ź jajka straŭsa hatujecca paŭhadziny, amlet — niedzie paŭtary», — padzialiŭsia viedami Mikałaj. 

U hrafiku syna prezidenta dźvie-try treniroŭki pa chakiei ŭ tydzień (hulaje jon pad numaram 1), čatyry ŭroki ihry na rajali, lubimy školny pradmiet — hieahrafija, taksama Kola hraje ŭ školnym teatry i daje kancerty ihry na rajale ŭ Domie vieteranaŭ. 

Mikałaj na hod starejšy za junaha žurnalista z Rasii, jakomu 11

Mikałaj na hod starejšy za junaha žurnalista z Rasii, jakomu 11

Kažučy pra svoj bahaty dośvied vandrovak, Mikałaj Łukašenka raskazaŭ, što jaho ŭrazili ZŠA, a taksama Ekvador. «U hetaj krainie možna adnoj nahoj na adnym paŭšarji stajać, druhoj — na inšym», — skazaŭ Kola. Jašče jamu spadabalisia krainy Uschodu, i ZŠA, i Paŭdniovaja Amieryka.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?