U reanimacyi Hrodna pastupili dzieviać čałaviek — usie va ŭzroście 20—29 hadoŭ. Pra heta paviedamlaje pres-słužba UUS Hrodzienskaha abłvykankama.

U milicyi adznačyli, što napiaredadni śviataŭ rezka pavialičyłasia kolkaść pieradazirovak psichatropnymi rečyvami. Za piać dzion u reanimacyi miedustanoŭ Hrodna ŭ ciažkim stanie pastupiła dzieviać čałaviek. Va ŭsich adzin i toj ža dyjahnaz: «atručeńnie nieviadomym psichatropnym rečyvam».

Siarod paciarpiełych — maładyja ludzi va ŭzroście 20-29 hadoŭ, 20-hadovaja žančyna ŭ dekretnym adpačynku i jašče adna dziaŭčyna, jakoj 21 hod.

«U chodzie praviedzienych apieratyŭna-vyšukovych mierapryjemstvaŭ udałosia ŭstanavić, što va ŭsich vypadkach psichatropy nabyvalisia praź internet-kramy «Kancern Kałašnikaŭ» i «Zubr». Paśla ich pryjomu ludziam stanaviłasia nastolki drenna, što jany hublalisia ŭ rečaisnaści, praces supravadžaŭsia halucynacyjami i ŭ niekatorych vypadkach sutarhami. U reanimacyi ŭ nieśviadomym stanie kožny znachodziŭsia pa 3-4 dni», - raspavioŭ pałkoŭnik milicyi Siarhiej Łankievič.

Клас
0
Панылы сорам
0
Ха-ха
0
Ого
0
Сумна
0
Абуральна
0