Pavodle jaho słoŭ, ad navuki maładych ludziej časta adpužvaje pierśpiektyva niedastatkova vysokaha zarobku, tamu navukovaj dziejnaściu siońnia zajmajucca «patryjoty, ludzi, jakim cikava stvaryć niešta novaje», paviedamlaje BiełaPAN.

«Takich ludziej treba materyjalna stymulavać, — padkreśliŭ Šumilin. — I kali zarpłatu maładym navukoŭcam my adrazu nie zmožam zrabić dastatkova vysokaj, to, naprykład, možam vydzialać žyllo».

Šumilin źviarnuŭ uvahu na toje, što stypiendyjaty prezidenckaha fondu ŭžo ciapier pavodle zakonu majuć prava na atrymańnie žylla na lhotnych umovach, a maładyja navukoŭcy Nacyjanalnaj akademii navuk i pradpryjemstvaŭ halinovaj navuki atrymlivajuć pa-za čarhoj arendnaje žyllo.

«Ale my bačym, što i taja, i druhaja schiema majuć peŭnyja niedachopy, tamu što, naprykład, arendnaje žyllo ŭsio roŭna paraŭnalna darahoje i nie naležyć čałavieku, — adznačyŭ kiraŭnik DKNT. — My prapanujem taki padychod: kali abaraniŭ na praciahu troch hadoŭ dysiertacyju, značyć, maješ prava atrymać žyllo. <…> Ja dumaju, my zrobim biespracentnuju rasterminoŭku na 20 hadoŭ».

Vydzialać kvatery biaspłatna DKNT nie prapanuje, bo jość vierahodnaść, što paśla atrymańnia žylla mnohija ludzi zachočuć pakinuć navukovuju dziejnaść i zaniacca, da prykładu, biźniesam. Na zadumku kamiteta, kali małady navukoviec, jaki atrymaŭ žyllo zhodna z prapanavanaj schiemaj, u niejki momant ŭsio ž vyrašyć pajści z navuki, jon pavinien budzie vypłacić reštu pa rasterminoŭcy. U takim vypadku kvatera zastaniecca ŭ jaho ŭłasnaści.

«Jość daručeńnie ŭradu prapracavać hetaje pytańnie. U Hod navuki my pastarajemsia pravieści taki miechanizm», — skazaŭ Šumilin.

Клас
0
Панылы сорам
0
Ха-ха
0
Ого
0
Сумна
0
Абуральна
0