Hramadskaja kulturnickaja kampanija «Budźma biełarusami!» i Škoła maładych mieniedžaraŭ publičnaha administravańnia SYMPA abviaščajuć konkurs prajektnych idej, skiravanych na spryjańnie miascovamu i rehijanalnamu raźvićciu pa ŭsioj Biełarusi.
Da ŭdziełu ŭ konkursie zaprašajucca ŭsie nieabyjakavyja, chto zajmajecca palapšeńniem kulturnickaj i sacyjalnaj prastory ŭ svaim nasielenym punkcie abo rehijonie i spryjaje pahłybleńniu supracoŭnictva roznych supolnaściaŭ.
Kali ŭ vas jość ideja, jakaja:
— moža zrabić lepšym žyćcio ŭ vašaj miascovaści ahułam ci dla niejkaj hrupy ludziej;
— jadnaje aktyŭnych žycharoŭ dla vyrašeńnia hramadska važnych pytańniaŭ;
— umacoŭvaje identyčnaść, u tym liku praz pašyreńnie viedaŭ pra našu historyju i kulturu, pra rodny horad abo rehijon;
— matyvuje da adkaznaści za los svajho nasielenaha punkta;
— raźvivaje kreatyŭny padychod da ažyćciaŭleńnia zadumaŭ;
— pavialičvaje patencyjał hramadskich aktyvistaŭ;
— dapamahaje naładzić kantakty roznym hrupam pamiž saboj i ź dziaržaŭnymi arhanizacyjami i ŭstanovami,
dasyłajcie zajaŭku na skryniu: [email protected] z paznakaj «Na konkurs idej».
Chto moža ŭziać udzieł:
— lubyja niepalityčnyja inicyjatyvy i arhanizacyi hramadzianskaj supolnaści;
— dziaržaŭnyja ŭstanovy i kamiercyjnyja arhanizacyi;
— fizičnyja asoby, kreatyŭnyja kamandy.
Zajaŭka musić utrymlivać:
— imiony i proźviščy aŭtaraŭ/inicyjataraŭ prajekta, kantakty;
— nazvu, metu i sutnaść prajekta (da 700 słovaŭ);
— metavyja aŭdytoryi (čamu i kamu hety prajekt nieabchodny);
— čamu ideja ŭnikalnaja i/ci aktualnaja;
— kali i dzie ideja musić realizavacca;
— jakija resursy vy ŭžo majecie i jakija — šukajecie (kamanda, partniory, biudžet).
Usie dasłanyja prapanovy buduć razhledžanyja ekśpiertnaj kamisijaj kampanii «Budźma biełarusami!» i Škoły maładych mieniedžaraŭ publičnaha administravańnia SYMPA.
Dla adabranych idejaŭ kampanija «Budźma biełarusami!» dapamoža znajści partnioraŭ, kab idei byli realizavanyja.
Taksama my hatovyja dla vas:
— dać mahčymaść dla prasoŭvańnia idei i aśviatleńnia jaje realizacyi na internet-partale www.budzma.by;
— spryjać aśviatleńniu prajekta ŭ inšych srodkach masavaj infarmacyi;
— pradstavić vartyja ŭvahi, ale nie adabranyja kamisijaj prajekty dla dalejšaha ŭdziełu na «Kirmašy prajektaŭ» dziela pašyreńnia koła adnadumcaŭ;
Što važna: siabry kamisii buduć aceńvać jakaść prajektnaj idei, jaje hramadskuju značnaść, adpaviednaść metavaj aŭdytoryi, adpaviednaść pieraliku dziejnaści i nieabchodnych dla realizacyi srodkaŭ.
Padtrymanyja idei musiać być realizavanyja ŭ luby čas u pieryjad z 01.02.2017 h. pa 31.01.2018 h.
Pryjom idejaŭ: da 20 studzienia 2017 h. uklučna praz skryniu [email protected] z paznakaj «Na konkurs idej».
Vyniki konkursu buduć abvieščanyja 30 studzienia 2017 h. na sajcie budzma.by.
Majecie pytańni? Pišycie na vyšejpakazanuju skryniu!
