Kaniec 1993 hoda ŭ historyi Biełarusi — čas publikacyi antykarupcyjnaha dakłada deputata Alaksandra Łukašenki. U hetym dakumiencie prajšlisia pa mnohich, praŭda, top-čynoŭniki zakranutyja nie byli.
Vytrymki z dakłada drukavała «Savieckaja Biełarusija», supravadziŭšy heta vielizarnym intervju z Łukašenkam.
Błohier D-zholik, pierahartaŭšy padšyŭki, źviarnuŭ uvahu na cikavaje proźvišča, zhadanaje ŭ tekście.
* * *
Z daśje kamisii:
Biełbiznesbank. Pa dadzienych prakuratury, u jaho radu ŭvachodzili prezident respublikanskaha kancerna «Biełcharčpram» A.Łuhavy i načalnik byłoha Upraŭleńnia kapitalnaha budaŭnictva Minabłvykankama, a ciapier kiraŭnik dziaržaŭnaha kancerna «Subinviest» V.Siahraviec. Bank nieadnarazova vypłačvaŭ hrošy dźvium vyšejuzhadanym asobam, a taksama nastupnym asobam dziaržsłužačym: načalniku upraŭleńnia pa ekanamičnaj reformie i rynkavych adnosinach Minharvykankama Ł.Anfimavu …
Nahadajem, što tyja padazreńni nie paćvierdzilisia, i ciapier Leanid Anfimaŭ — kiraŭnik Kamiteta dziaržaŭnaha kantrolu. Heta orhan, jaki ažyćciaŭlaje kantrol za vykanańniem biudžetu i vykarystańniem dziaržaŭnaj majomaści.
Što da zhadanych vyšej Alaksieja Łuhavoha i Viačasłava Siahraŭca, to i na ich karjery dakład Łukašenki taksama adbiŭsia niamocna.
Łuhavy ŭznačalvaŭ «Biełcharčpram» da 1997 hoda, kali byŭ zvolnieny razam z hrupaj čynoŭnikaŭ za dapuščany rost cen. A Siahraviec jašče ŭ kancy 2000-ch uvachodziŭ u naziralnuju radu «Bielinviestbanka».