Prezident ZŠA Barak Abama zajaviŭ, što vizit premjer-ministra Japonii Sindza Abe na vajskovuju bazu Perł-Charbar pakazvaje siłu prymireńnia.
«Hety histaryčny žest pakazvaje siłu prymireńnia i źjaŭlajecca napaminam, što navat samyja hłybokija rany, pakinutyja vajnoj, mohuć vylečycca siabroŭstvam i doŭhim miram», — skazaŭ prezident ZŠA.
Premjer Japonii Sindza Abe staŭ pieršym kiraŭnikom japonskaha ŭrada, jaki naviedaŭ hetuju amierykanskuju bazu, jakaja ŭ śniežni 1941 hady padvierhłasia masiravanaj atacy japonskich vojskaŭ. Tady zahinuli 2,3 tysiačy amierykanskich vajskoŭcaŭ.
U chodzie pamiatnaj cyrymonii Abe vykazaŭ spačuvańni ŭ suviazi z trahiedyjaj, jakaja adbyłasia 75 hadoŭ tamu. «My nie pavinny dapuścić paŭtareńnia žachaŭ vajny — heta ŭračystaje abiacańnie, jakoje dali žychary Japonii», - skazaŭ Abe.
Tym nie mienš, japonski premjer tak i nie pramoviŭ słovy prabačeńnia ad imia Japonii za hety napad, čaho čakali ad jaho mnohija pradstaŭniki amierykanskaha boku.
U mai hetaha hoda prezident Abama ździejśniŭ vizit u Chirasimu, staŭšy pieršym prezidentam ZŠA, jaki naviedaŭ hety horad, jaki padvierhnuŭsia amierykanskim atamnym bambardziroŭkam ŭ 1945 hodzie. Vybačeńniaŭ za amierykanskija jadziernyja ŭdary jon taksama nie prynios.
