U MZS Rasii prakamientavali zatrymańnie ŭ Biełarusi troch aŭtaraŭ rasijskaha vydańnia «Rehnum» Juryja Paŭłaŭca, Dźmitryja Alimkina i Siarhieja Šyptenki. Aficyjnaja pradstaŭnica źniešniepalityčnaha viedamstva Maryja Zacharava padčas bryfinhu, jaki prajšoŭ 27 śniežnia, zajaviła, što niekatoryja ich vykazvańni ŭ dačynieńni Biełarusi i biełarusaŭ niedapuščalnyja, piša Jeŭraradyjo.
«Chaču skazać, što «niedanarod» i «niedadziaržava» z vusnaŭ ludziej, jakija ŭpłyvajuć na hramadskuju dumku — heta prosta niepatrebnyja rečy, tamu što jany mohuć spryjać raspalvańniu mižnacyjanalnaj prablemy i ksienafobii», — skazała Zacharava. Pavodle jaje słoŭ, takija vykazvańni «nie spryjajuć stvareńniu pazityŭnaj atmaśfiery ŭ [rasijska-]biełaruskich adnosinach».
U toj ža čas rasijski bok sočyć za situacyjaj z zatrymańniem zhadanych asobaŭ, znachodzicca ŭ kantakcie z MZS Biełarusi.
